.jpg)
ផា លីណា
ភ្នំពេញៈ ជនជាប់ចោទជាតិអូស្ត្រាលី លោក James Ricketson ពាក់ព័ន្ធរឿងបង្ហោះដ្រូន ត្រូវបានតុលាការកំពូល បដិសេធឲ្យនៅក្រៅឃុំ ក្រោយការប្រកាសសេចក្តីសម្រេចចិត្ត នៅព្រឹកថ្ងៃទី៣០ ខែមករានេះ។
បុរសរូបនេះ កំពុងជាប់ឃុំបណ្តោះអាសន្ន នៅពន្ធនាគារព្រៃស ក្រោមបទ ចារកម្ម ក្រោយពីខ្លួនត្រូវនគរបាលចាប់ នៅថ្ងៃទី ៣ ខែមិថុនា ឆ្នាំ២០១៧ ពាក់ព័ន្ធនឹងការបង្ហោះយន្តហោះដ្រូន ដែលបានផ្តិតរូបភាពនៅ រាជធានីភ្នំពេញ។
កន្លងមកលោក Ricketson និងមេធាវីរបស់ខ្លួន តែងតែបដិសេធនូវការដែលចោទប្រកាន់ថាគាត់ពាក់ព័ន្ធនឹងចារកម្ម ដែលរដ្ឋាភិបាលគិតថា លោកទាក់ទងនឹងគណបក្សប្រឆាំង។
គណបក្សសង្គ្រោះជាតិ ជាគណបក្សប្រឆាំង ក៏ត្រូវបានតុលាការកំពូល កាត់ក្តីរំលាយ កាលពីថ្ងៃទី១៦ ខែវិច្ឆិកា ឆ្នាំ២០១៧នេះ ហើយមេដឹកនាំបក្សលោក កឹម សុខា ក៏បានកំពុងឃុំខ្លួនរង់ចាំការកាត់ក្តី ពីករណី«ក្បត់ជាតិ»៕
