ភ្នំពេញៈ ចៅក្រម​ស៊ើបសួរ​សាលា​ដំបូង​រាជធានី​អះអាង​ថា​ខ្លួន​មាន​ភ័ស្តុតាង​ជា​សំឡេង​របស់​លោក ប៉ា ងួនទៀង ក្នុង​សំណុំ​រឿង​សូកប៉ាន់​សាក្សី​របស់​កញ្ញា​ ខុម ចាន់តារាទី ហៅ​ ស្រីមុំ ដែល​ត្រូវ​បាន​គេ​អះអាង​ថា​ជា​ស្រី​កំណាន់​របស់​លោក កឹម សុខា ប្រធាន​ស្តីទី​គណបក្ស​សង្គ្រោះជាតិ ​ខណៈ​​ប្រធាន​អង្គការ​ដែល​សកម្ម​​ក្នុង​យុទ្ធនាការ​ថ្ងៃ​ចន្ទ​ពណ៌​ខ្មៅ​ និង​សកម្ម​ក្នុង​ការ​ទាមទារ​ឲ្យ​ផ្តល់​យុត្តិធម៌​ដល់​លោក​បណ្ឌិត​ កែម​ ឡី រូប​នេះ​បដិសេធ​ថា​មិន​ជាប់​ពាក់ព័ន្ធ​រឿង​នេះ​ទេ​។