ភ្នំពេញ: តំណាង​ប្រជាពលរដ្ឋ​ចំនួន ១៥ គ្រួសារ​មកពី​ឃុំ​ជីខក្រោម ស្រុក​ស្រែអំបិល ខេត្ត​កោះកុង​ដែល​បាត់បង់​ដីធ្លី​បាន​ចោទ​អាជ្ញាធរ​កាលពី​ម្សិលមិញ​ថា​បាន​រើសអើង​មិន​ព្រម​ចុះបញ្ជី​ដីធ្លី និង​ពន្យារពេល​ការ​រក​ដំណោះស្រាយ​ឲ្យ​ពួកគាត់​ ប៉ុន្ដែ​អាជ្ញាធរ​បាន​បដិសេធ​ថា​មិន​មាន​ករណី​នេះ​កើតឡើង​ទេ​ព្រោះ​គណៈកម្មការ​ចម្រុះ​នឹង​វាស់ដី​ចែក​ពលរដ្ឋ​ដែល​មាន​​ទំនាស់​ដីធ្លី​ឲ្យ​បាន​គ្រប់ៗ​គ្នា​។