ភ្នំពេញៈ អ្នក​តំណាង​រាស្ត្រ​គណបក្ស​ប្រឆាំង​ពីរ​រូប​ដែល​រង​ការ​វាយ​ដំ​ហើយ​កំពុង​​សម្រាក​ព្យាបាល​របួស​នៅ​ទីក្រុង​បាងកក​បាន​ហូរ​ទឹកភ្នែក​នៅពេល​គណៈប្រតិភូ​រដ្ឋសភា​បាន​ទៅ​សួរ​សុខទុក្ខ​ពួកគេ​កាលពី​ថ្ងៃ​សៅរ៍​ហើយ​លោក គង់ សភា តំណាងរាស្ត្រ​ម្នាក់​បាន​​សរសេរ​នៅ​លើ​ហ្វេសប៊ុក​ថា៖ «​មូលហេតុ​ដែល​យើង​​ហូរ​ទឹកភ្នែក​មិនមែន​ជា​ការ​រំភើប​ចំពោះ​​​ដំណើរ​​សួរ​សុខទុក្ខ​របស់​ប្រតិភូ​រដ្ឋសភា​​នេះ​ទេ​គឺ​ខ្ញុំ​​ហូរ​ទឹក​ភ្នែក​​ដោយសារ​តែ​ការ​ឈឺចាប់ ​នឹង​​ព្រឹត្តិការណ៍​ព្រៃផ្សៃ​ដែល​ជនល្មើស​​ និង​អ្នក​បញ្ជា​បាន​រៀបចំ​ផែនការ​វាយប្រហារ​មក​លើ​ខ្ញុំ»​។