ភ្នំពេញៈ ស្រ្តី​ខ្មែរ​បី​នាក់ ដែល​ត្រូវ​បាន​គេ​ជួញ​ដូរ​ទៅ​រៀបការ​នៅ​ចិន ហើយ​នៅ​ពេល​នេះ​កំពុង​តែ​មាន​ផ្ទៃ​ពោះ បាន​លួច​រត់​គេច​ចេញ​ពី​ផ្ទះ​ប្តី​ចិន​ទៅ​ពឹង​ស្ថានទូត​ខ្មែរ​នៅ​ចិន​ឲ្យ​ជួយ ប៉ុន្តែ​មន្ត្រី​ស្ថានទូត​ខ្មែរ ឲ្យ​ស្ត្រី​ទាំង​នោះ​រក​ទិញ​សំបុត្រ​យន្ត​ហោះ​ដោយ​ខ្លួន​ឯង ដោយ​ស្ថានទូត ជួយ​បាន​ត្រឹម​តែ​ផ្តល់​ទិដ្ឋាការ​តែ​ប៉ុណ្ណោះ។ នេះ​បើ​តាម​ការ​អះអាង​របស់​ស្ត្រី​រង​គ្រោះ​ទាំង​បី​នាក់ ដែល​បាន​ប្រាប់ ភ្នំពេញ ប៉ុស្តិ៍ តាម​ទូរស័ព្ទ​កាល​ពី​ម្សិល​មិញ។