ភ្នំពេញៈ ធនាគារ​ពិភព​លោក កំពុង​ពិចារណា​ផ្តល់​ប្រាក់​កម្ចី ២៥ លាន​ដុល្លារ នៃ​កម្ចី​ថ្មី​មក​កម្ពុជា ដើម្បី​ផ្តល់​មូលនិធិ​សម្រាប់​សម្បទាន​ដី​សង្គម​កិច្ច។ ប្រសិន​បើ​កម្ចី​នេះ​ត្រូវ​បាន​អនុម័ត កម្ចី​នេះ​នឹង​ក្លាយ​ជា​កម្ចី​លើក​ទី​មួយ​ចាប់​តាំង​ពី​ធនាគារ​ពិភព​លោក បាន​ព្យួរ​ការ​ផ្តល់​កម្ចី​ក្នុង​ឆ្នាំ​២០១១ និង​សន្យាថា​មិន​ផ្តល់​កម្ចី​ថ្មី​​រហូត​ទាល់​តែ​ដំណោះ​ស្រាយ​នៃ​ជម្លោះ​ដីធ្លី​នៅ​តំបន់​បឹង​កក់​ត្រូវ​បាន​​ដោះ​ស្រាយ។