ភ្នំពេញៈ ប្រជាសហគមន៍​ជាង ២០០​នាក់ មក​ពី​ស្រុក​ថ្ពង និង​ស្រុក​ឳរ៉ាល់ ខេត្ត​កំពង់ស្ពឺ បាន​មក​ប្រមូល​ផ្តុំ​តវ៉ា​នៅ​មុខ ការិយា​ល័យ​កណ្ដាល ធនាគារ ANZ Royal រាជធានី​ភ្នំពេញ កាល​ពី​ថ្ងៃ​ព្រហស្បតិ៍ ដើម្បី​ទាមទារ​សំណង​ជំងឺចិត្ត និង​ផ្តល់​ជំនួយ​ដល់​ពលរដ្ឋ ខណៈ​ដែល​ពួកគេ​អះអាង​ថា ធនាគារ​មួយ​នេះ​ជា​ដើម​ហេតុ​ផ្តល់​ប្រាក់​កម្ចី​ដល់​ក្រុមហ៊ុន​លោក លី យ៉ុងផាត់ ដែល​បាន​រំលោភ​យក​ដីធ្លី​របស់​ពួក​គាត់​យក​ទៅ​ដាំ​ដំណាំ​អំពៅ ផលិត​ជា​ស្ករស។