ភ្នំពេញៈ នៅអគ្គស្នងការដ្ឋាននគរបាលជាតិ មានកម្មវិធីទទួល ប្រគល់រថយន្តចំនួន ១៣ គ្រឿង ពីក្រុមហ៊ុនចិន Prince Real Estate ដើម្បីបម្រើការដល់អង្គភាពចំនួនបីរបស់នគរបាល។
កម្មវិធីដែលមានការចូលរួមពីលោក នេត សាវឿន អគ្គស្នងការនគរបាលជាតិ និងមានតំណាងពីក្រុមហ៊ុនចិន នាព្រឹកថ្ងៃទី ១៧ ខែមករានេះ បានប្រគល់រថយន្ត១តោនកន្លះ ចំនួន១៣គ្រឿង។
លោក ចាន់ ស៊ីថា ប្រធានអង្គភាពអន្តរាគមន៍ បានប្រាប់អ្នកសារព័ត៌មានថា រថយន្តទាំង ១១ គ្រឿងនេះ ត្រូវបានលោកអគ្គស្នងការ នេត សាវឿន បានសម្រេចប្រគល់ឲ្យ អង្គភាពអន្តរាគមន៍ចំនួន ៤ គ្រឿង អង្គភាពនគរបាលការពារចំនួន ៤ គ្រឿង និងអង្គភាពតម្រួតបទបញ្ជា ចំនួន ៣គ្រឿង។
ចំណែករថយន្ត ២ គ្រឿងទៀត ទុកប្រើប្រាស់នៅអគ្គស្នងការដ្ឋាននគរបាលជាតិ។
លោកស៊ីថា ថ្លែងថា ៖ «យើងមានចិត្តសប្បាយរីករាយ ដែលមានមិត្តចិនឧបត្ថម្ភ។ ក្រោយពីបានរថយន្តនេះ យើងនឹងថែរក្សាឲ្យល្អ ហើយយកចុះប្រតិបត្តិការឲ្យល្អ»៕