ភ្នំពេញៈ យ៉ាង​ហោច​ណាស់ មាន​ករណី​រំលោភ​បំពាន​ធ្ងន់​ធ្ងរ ទៅ​លើ​ពលការិនី​កម្ពុជា បម្រើ​ការ​តាម​ផ្ទះ នៅ​ប្រទេស​ម៉ាឡេស៊ី ចំនួន ១៣០ ករណី​ទៀត នៅ​តែ​មិន​ទាន់​មាន​ការ​ជួយ​អន្តរាគមន៍​ពី​សំណាក់​រដ្ឋាភិបាល​នៅ​ឡើយ ខណៈ​ដែល​អនុស្សរណៈ​យោគ​យល់​គ្នា ក្នុង​ការ​បញ្ជូន​ពលករ​ទៅ​ធ្វើ​ការ​នៅ​ម៉ាឡេស៊ី​ជា​ថ្មី​ទៀត ត្រូវ​គេ​រំពឹង​ថា អាច​នឹង​ត្រូវ​ចុះ​ហត្ថលេខា​នៅ​ដើម​ឆ្នាំ ២០១៥ នេះ។ នេះ​បើ​តាម​សមាគម​ការពារ​សិទ្ធិ​មនុស្ស​ អាដហុក។