Search form

Login - Register | FOLLOW US ON

Logo of Phnom Penh Post newspaper Phnom Penh Post - បក្ស​ប្រឆាំង​ស្នើឲ្យ​បំបាត់​សន្ដិសុខ​ខុស​ច្បាប់

Content image - Phnom Penh Post
ក្រុមសន្តិសុខចោមរោមចាប់វាយដំទៅលើអ្នកតវ៉ាដោយសន្តិវិធីនៅមុខរដ្ឋសភាកន្លងមក។ ហុង មិនា

បក្ស​ប្រឆាំង​ស្នើឲ្យ​បំបាត់​សន្ដិសុខ​ខុស​ច្បាប់

ភ្នំពេញៈ ក្រុម​តំណាង​រាស្រ្ត​គណបក្ស​ប្រឆាំង​បាន​ស្នើ​ឲ្យ​ក្រសួង​មហាផ្ទៃ​បញ្ឈប់​អាជ្ញាធរ​រាជធានី​មិន​ឲ្យ​ជួល​សន្តិសុខ​អនាមិក​និង «សន្តិសុខ​ខុស​ច្បាប់» ខណៈ​ដែល​ក្រុម​សន្តិសុខ​ទាំង​នោះ​តែងតែ​ត្រូវ​បាន​គេ​ប្រើ​ដើម្បី​ធ្វើការ​បង្ក្រាប​ដោយ​ហិង្សា​ទៅ​លើ​ក្រុម​អ្នក​តវ៉ា​ដោយ​សន្តិវិធី។ សម័យ​ប្រជុំ​នេះ​ដើម្បី​ពិភាក្សា និង​ផ្តល់​មតិយោបល់​លើ​ច្បាប់​ស្តីពី​ថវិកា​ជាតិ។ តំណាងរាស្រ្ត​គណបក្ស​សង្គ្រោះជាតិ​ទាំង​អស់​បាន​ធ្វើ​ពហិកា​សភា​ប្រមាណ ៤‑៥ ខែ​មក​ហើយ​បន្ទាប់​ពី​ស្ថានភាព​នយោបាយ​មាន​លក្ខណៈ​តានតឹង​ហើយ​តំណាងរាស្ត្រ​ពីរ​រូប​ត្រូវ​បាន​គេ​ចោមរោម​វ៉ៃ​ប៊ិះ​ស្លាប់​នៅ​ពេល​ចេញ​ពី​ប្រជុំ​រដ្ឋសភា និង​មាន​ការ​ដក​ប្រធាន​ស្តីទី​នៃ​គណបក្ស​សង្គ្រោះ​ជាតិ​ចេញ​ពី​អនុប្រធាន​ទី ១ រដ្ឋសភា​ព្រម​ទាំង​មាន​ការ​ចាប់​ឃុំ​ខ្លួន​ប៉ុនប៉ង​ចាប់​ខ្លួន និង​មាន​បណ្តឹង​ជាច្រើន​ប្រឆាំង​នឹង​មន្ត្រី​ និង​សកម្មជន​គណបក្ស​ប្រឆាំង​ដែល​សកម្មភាព​ទាំង​នេះ​ត្រូវ​បាន​មជ្ឈដ្ឋាន​ជាតិ​ និង​អន្តរជាតិ​ជាច្រើន​ចាត់​ទុក​ថា​ជា​រឿង​នយោបាយ។ លោក សុន ឆ័យ បន្ត​ថា៖ «ជាទូទៅ​យើង​នឹង​មើល​ទៅ​លើ​របៀបវារៈ។ ប្រសិន​បើ​ពួកគេ​មាន​សម័យ​ប្រជុំ​ដើម្បី​ដក​អភ័យ​ឯកសិទ្ធិ​តំណាង​រាស្រ្ត ឬ​ចាប់​ខ្លួន​តំណាងរាស្រ្ត​នោះ​យើង​ចូលរួម​ដើម្បី​អ្វី។ ប្រសិន​បើ​កិច្ចប្រជុំ​លើ​ថវិកា​ជាតិ​ដែល​យើង​យល់​ថា​វា​សំខាន់​សម្រាប់​ជាតិ​យើង​ចូលរួម​ដើម្បី​ពិនិត្យ​មើល និង​ផ្តល់​មតិយោបល់»។ ទន្ទឹម​នេះ​លោក ឆ័យ បញ្ជាក់​ជា​ថ្មី​ថា​តំណាងរាស្ត្រ​គណបក្ស​សង្គ្រោះ​ជាតិ​បាន​រៀបចំ​រួច​ហើយ​ដើម្បី​កោះ​ហៅ​រដ្ឋមន្រ្តី ៦ រូប​មក​សាកសួរ​ពាក់ព័ន្ធ​នឹង​តួនាទី​របស់​រដ្ឋមន្រ្តី​នីមួយៗ​រួម​ទាំង​រដ្ឋមន្រ្តី​ក្រសួង​មហាផ្ទៃ​លោក ស ខេង រដ្ឋមន្រ្តី​ការពារ​ជាតិ​លោក ទៀ បាញ់ រដ្ឋមន្រ្តី​សុខាភិបាល​លោក ម៉ម ប៊ុនហេង រដ្ឋមន្រ្តី​រ៉ែ និង​ថាមពល​លោក ស៊ុយ សែម រដ្ឋមន្រ្តី​កសិកម្ម​លោក វេង សាខុន និង​រដ្ឋមន្រ្តី​យុត្តិធម៌​លោក អង្គ វង្សវឌ្ឍានា។

លោក ឆ័យ បន្ត​ថា៖ «យើង​ចង់​មាន​ការ​សាកសួរ​ជា​រៀងរាល់​សប្តាហ៍។ ខ្ញុំ​បាន​រៀបចំ​សំណួរ​រួច​ហើយ​ដើម្បី​ផ្ញើ​ទៅ​រដ្ឋសភា​ដើម្បី​កោះ​ហៅ​រដ្ឋមន្រ្តី​ពាក់ព័ន្ធ​ [មក​សាកសួរ]»។ បើ​តាម​លោក ឆ័យ លោក ស ខេង នឹង​ត្រូវ​កោះ​ហៅ​សាកសួរ​ពាក់ព័ន្ធ​ករណី​ឃាតកម្ម​មួយ​ចំនួន​ដែល​បាន​កើតឡើង​ប៉ុន្តែ​អាជ្ញាធរ​មិន​អាច​ស្វែងរក​យុត្តិធម៌​ដល់​ជនរងគ្រោះ និង​មិន​អាច​ចាប់​ជនល្មើស​ជាពិសេស​ករណី​បាញ់​សម្លាប់​អ្នក​វិភាគ​ឯករាជ្យ​លោក កែម ឡី។ លោក ទៀ បាញ់ នឹង​ត្រូវ​កោះ​ហៅ​ដើម្បី​សាកសួរ​ពាក់ព័ន្ធ​នឹង​តួនាទី​របស់​យោធា​ដែល​មិន​បាន​ប្រើ​ជា​កងទ័ព​ឯករាជ្យ​សម្រាប់​ជាតិ។ លោក ស៊ុយ សែម នឹង​ត្រូវ​កោះ​ហៅ​សាកសួរ​លើ​ករណី​បាត់​ថវិកា​ជាតិ​យ៉ាង​ច្រើន​តាមរយៈ​ការ​លក់​ខ្សាច់​ទៅ​បរទេស។ លោក អង្គ វង្សវឌ្ឍានា នឹង​ត្រូវ​សាកសួរ​អំពី​ប្រព័ន្ធ​យុត្តិធម៌​ដែល​មិន​ត្រូវ​បាន​ប្រើ​ជា​ប្រព័ន្ធ​យុត្តិធម៌​ឯករាជ្យ​សម្រាប់​ប្រជាពលរដ្ឋ​ទូទៅ​ខណៈ​ប្រព័ន្ធ​យុត្តិធម៌​នេះ​ត្រូវ​បាន​ប្រើ​ជា​ឧបករណ៍​នយោបាយ។ លោក ម៉ម ប៊ុនហេង នឹង​ត្រូវ​សាកសួរ​ពាក់ព័ន្ធ​នឹង​ករណី​សុខាភិបាល​សាធារណៈ​ដែល​ធ្វើ​ឲ្យ​ប្រជាជន​បាត់បង់​ទំនុក​ចិត្ត។ ចំណែក​លោក វេង សាខុន នឹង​ត្រូវ​សាកសួរ​អំពី​តម្លៃ​ផលិតកម្ម​ក្នុង​ស្រុក​ដែល​ធ្លាក់​ចុះ។

អ្នក​នាំពាក្យ​គណបក្ស​ប្រជាជន​លោក សុខ ឥសាន ថ្លែង​ថា​ការ​ចូលរួម ឬ​មិន​ចូលរួម​របស់​គណបក្ស​សង្គ្រោះ​ជាតិ​វា​មិន​សំខាន់​នោះ​ទេ​ពីព្រោះ​តំណាងរាស្រ្ត​គណបក្ស​ប្រជាជន​ចំនួន ៦៨ រូប​មាន​សំឡេង​គ្រប់គ្រាន់​ដើម្បី​អនុម័ត​សេចក្តី​ព្រាង​ច្បាប់​ទាំង​នោះ​ដោយ​សំឡេង ៥០ បូក ១។ «ភាគច្រើន​បំផុត​នៃ​ច្បាប់​មួយ​ចំនួន​ដែល [គណបក្ស​សង្គ្រោះ​ជាតិ] មិន​ចូលរួម​ពិភាក្សា [យើង] បាន​អនុម័ត​រួច​ហើយ។ វា​គ្មាន​បញ្ហា​ទេ។ វា​ស្រប​ច្បាប់​ទាំង​អស់។ គាត់​ចូលរួម​វា​ជា​រឿង​របស់​គាត់។ គាត់​មិន​ចូលរួម​វា​ជា​រឿង​របស់​គាត់។ យើង​មិន​បង្ខំ​គាត់​ទេ»។ «[គណបក្ស​ប្រជាជន​កម្ពុជា] យល់​ថា​អ្វី​ដែល​គណៈកម្មាធិការ​អចិន្រៃ្តយ៍​របស់​រដ្ឋសភា​ដាក់​នៅ​ក្នុង​របៀបវារៈ​ដើម្បី​បើក​សម័យ​ប្រជុំ​ពេញ​អង្គ​នេះ​គឺ​សំខាន់»។

ពាក់ព័ន្ធ​នឹង​គម្រោង​កោះ​ហៅ​រដ្ឋមន្រ្តី ៦ រូប​មក​សាកសួរ​អ្នក​នាំពាក្យ​ ៥ នាក់​ក្នុង​ចំណោម​អ្នក​នាំ​ពាក្យ ៦ រូប​របស់​រដ្ឋមន្រ្តី​ទាំង​នោះ​មិន​អាច​ទាក់ទង​សុំ​អត្ថាធិប្បាយ​បាន​ទេ​កាលពី​ម្សិលមិញ។ ប៉ុន្តែ​អ្នក​នាំ​ពាក្យ​ក្រសួង​រ៉ែ និង​ថាមពល​លោក ម៉េង សាក់ធារ៉ា បញ្ជាក់​កាលពី​ម្សិលមិញ​ថា​លោក ស៊ុយ សែម នឹង​ចូល​បំភ្លឺ​តាម​ការ​កោះ​របស់​តំណាងរាស្រ្ត​គណបក្ស​សង្គ្រោះ​ជាតិ​ប៉ុន្តែ​លោក​បាន​បដិសេធ​ធ្វើ​អត្ថាធិប្បាយ​លម្អិត​ដោយ​ថ្លែង​ថា​ក្រសួង​មិន​ទាន់​ទទួល​បាន​ព័ត៌មាន​ណា​មួយ​អំពី​ការ​កោះ​ហៅ​នេះ​ទេ។ «ជា​ធម្មតា​យើង​ធ្វើ​កិច្ចការ​រដ្ឋ​ដោយ​មាន​ការ​ទទួល​ខុស​ត្រូវ។ នៅ​ពេល​រដ្ឋសភា​ហៅ​បំភ្លឺ [យើង] ពិត​ជា​ទៅ​បំភ្លឺ»៕ PS

0

Comments

Please, login or register to post a comment

ព័ត៌មានពាក់ព័ន្ធ