.jpg)
អតីតបុគ្គលិកវិទ្យុអាស៊ីសេរីក្នុងពេលនាំមកសាលាឧទ្ធរណ៍កន្លងមក។ រូបថត គឹម សារុំ
ភ្នំពេញៈ បណ្ដឹងសារទុក្ខសុំនៅក្រៅឃុំរបស់អតីតបុគ្គលិកវិទ្យុអាស៊ីសេរី នឹងដាក់ទៅតុលាការកំពូល នៅថ្ងៃស្អែកទី ២ មករា ២០១៨។ នេះបើតាមមេធាវីការពារសិទ្ធិពួកគេកាលពីព្រឹកថ្ងៃទី ១ ខែមករា នេះ ។
លោកមេធាវី កែវ វ៉ាន្នី បានប្រាប់ភ្នំពេញប៉ុស្តិ៍ថាករណីបណ្តឹងសុំនៅក្រៅឃុំរបស់កូនក្តីលោកដែលជា អតីតបុគ្គលិកវិទ្យុអាស៊ីសេរីនោះលោកនឹងដាក់ពាក្យបណ្តឹងសារទុក្ខចូលទៅតុលាការកំពូល នៅថ្ងៃទី ២ មករា ស្អែកនេះហើយ។
ការដាក់បណ្តឹងសារទុក្ខនេះគឺបន្ទាប់ពីសភាព្រហ្មទណ្ឌសាលាឧទ្ធរណ៍ បានប្រកាសសាលដីកាបដិសេធមិនអនុញ្ញាតឲ្យនៅក្រៅឃុំបណ្តោះអាសន្ន កាលពីថ្ងៃទី ២៥ ខែវិច្ឆិកា ចុងឆ្នាំ ២០១៧ ។
គួររំឭក ថា អតីតបុគ្គលិកវិទ្យុអាស៊ីសេរីលោក អ៊ួន ឈិន និងលោក យាង សុជាមេត្តា ត្រូវបានសមត្ថកិច្ចឃាត់ខ្លួនក្នុងផ្ទះសំណាក់យីហោ ម៉ារ៉ាឌី នៅជិតគល់ស្ពានស្ទឹងមានជ័យ សង្កាត់ស្ទឹងមានជ័យ កាលពីព្រលប់ថ្ងៃទី ១៤ ខែ វិច្ឆិកា ឆ្នាំ ២០១៧៕
