ស្ទឹងត្រែងៈ បុរស​ម្នាក់​ត្រូវ​បាន​មន្ត្រី​រដ្ឋបាល​ព្រៃឈើ​ខេត្ត​ស្ទឹងត្រែង​សម្រេច​កសាង​សំណុំ​រឿង​ចោទប្រកាន់​ពី​បទ​ប្រមូល​ និង​ដឹកជញ្ជូន​ឈើ​គ្រញូង​ខុស​ច្បាប់ បន្ទាប់ពី​ត្រូវ​បាន​កម្លាំង​កងរាជ​អាវុធហត្ថ​ខេត្ត​នេះ​ចាប់​បាន​នៅ​ចំណុច​ស្ពាន​អូរគគីរ ស្ថិត​នៅ​ភូមិ​ក្របីជ្រុំ ឃុំ​ក្បាលរមាស ស្រុក​សេសាន​កាលពី​ម៉ោង​ ១:៣០ ​នាទី​យប់​រំលង​អាធ្រាត្រ​ឈាន​ចូល​ថ្ងៃ​អាទិត្យ ខណៈ​គាត់​កំពុង​ដឹក​ឈើ​គ្រញូង​តាម​បណ្ដោយ​ផ្លូវ​ជាតិ​លេខ ​៧៨ ដើម្បី​នាំ​យក​ទៅ​លក់​ឲ្យ​ឈ្មួញ​ឈើ​ជនជាតិ​វៀតណាម​ម្នាក់​ដែល​ចាំ​ទទួល​ទិញ​នៅ​ក្បែរ​ច្រក​របៀង​ជាប់​ព្រំដែន​ខេត្ត​រតនគិរី​។ នេះ​បើ​តាម​មន្ត្រី​រដ្ឋបាល​ព្រៃឈើ​បាន​ឲ្យ​ដឹង​កាលពី​ម្សិលមិញ​។