.jpg)
ដ្រូនដឹកមនុស្សដំណាក់កាលទី១ បានចំណាយពេលធ្វើជាង ១ ឆ្នាំ។ សហការី
ភ្នំពេញៈ បុរសម្នាក់ដែលត្រូវបានសមត្ថកិច្ចចាប់ខ្លួននៅខេត្តព្រះវិហារនោះមានពាក់ព័ន្ធនឹងបទរំលោភសេពសន្ថវៈលើកុមារយ៉ាងតិច ៣ នាក់ ខណៈដែលការប្រព្រឹត្តមានរយៈពេលប្រមាណ ១ ឆ្នាំឬលើសពីនោះ។
បុរសនោះមានអាយុ ៦៧ ឆ្នាំ ដែលគេស្គាល់គាត់នៅក្នុងសហគមន៍ ត្រូវបានចាប់ខ្លួនកាលពីថ្ងៃសៅរ៍កន្លង។ នេះបើតាមលោក James McCabe ប្រធានអង្គការការពារកុមារ Child Protection Unit។ លោក McCabe បានបដិសេធមិនប្រាប់ឈ្មោះជនល្មើសទេ ដោយសារតែដើម្បីការពារអត្តសញ្ញាណរបស់ជនរងគ្រោះ។
ជនសង្ស័យត្រូវបានចោទប្រកាន់ពីបទរំលោភសេពសន្ថវៈចំនួន២ករណីលើកុមារអាយុពី ១១ ទៅ ១២ ឆ្នាំ ខណៈជនរងគ្រោះអាយុ ១០ ឆ្នាំម្នាក់ទៀតត្រូវបានគេដឹងនៅថ្ងៃទី៨ខែមករា នេះ។
លោក McCabe បានថ្លែងថា៖« ក្រុមការងារ Taskforce Alpha 18 ជឿជាក់ថានឹងមានជនរងគ្រោះជាច្រើននាក់ទៀតហើយនៅក្នុងតំណាក់កាលនេះយើងបានរកឃើញជនរងគ្រោះយ៉ាងហោចណាស់៣នាក់រួចហើយ»។
ករណី រំលោភសេពសន្ថវៈ របស់ជនសង្ស័យនេះត្រូវគេជឿថា អាចបានប្រព្រឹត្តក្នុងរយៈពេល ១ ឆ្នាំ ឬ ច្រើនជាងនេះនៅឃុំចំនួនពីរតែឈ្មោះឃុំនោះមិនត្រូវបានប៉ូលិសប្រាប់ឲ្យដឹងទេ។
លោកស្រី ប្រាង ធីតា អធិការរងនគរបាលខេត្តព្រះវិហារបានបញ្ជាក់អំពីការចាប់ខ្លួននេះដោយលោកស្រីថា ជនរងគ្រោះមានអាយុ ១១ ឆ្នាំបានរងការចាប់រំលោភចាប់តាំងពីឆ្នាំ ២០១៦ មកម៉្លេះ។
លោកស្រី ធីតា បានឲ្យដឹងថា៖ «ក្មេងស្រីនោះបានលាក់បាំងរឿងរ៉ាវចាប់រំលោភនេះពីឪពុកម្តាយនាងដោយសារតែជនសង្ស័យគំរាម។ ប៉ុន្តែ ដោយសារតែនាងមិនបានទៅរៀន គ្រូបង្រៀនរបស់នាង បានមកផ្ទះរបស់ក្មេងស្រីដើម្បីសាកសួរហើយនាងក៏បានប្រាប់គ្រូរបស់នាងអំពីករណីចាប់រំលោភនេះ»៕ NS
