ស្វាយរៀងៈ យ៉ាង​ហោច​ណាស់​តំណាងរាស្ត្រ​គណបក្ស​សង្គ្រោះជាតិ​ម្នាក់ និង​ប្រជាពលរដ្ឋ​ខ្មែរ​ប្រមាណ ១០ នាក់ រួម​នឹង​​ជនជាតិ​វៀតណាម ៨ នាក់ បាន​រងរបួស​នៅក្នុង​ការ​​ប៉ះទង្គិច​គ្នា​មួយ​កាលពី​ម្សិលមិញ​នៅ​ចំណុច​បង្គោល​ព្រំដែន​លេខ ២០៣ ក្នុង​ស្រុក​កំពង់រោទិ៍​ខណៈ​ដែល​តំណាងរាស្ត្រ​គណបក្ស​សង្គ្រោះជាតិ​បាន​ដឹកនាំ​យុវជន ព្រះសង្ឃ និង​ពលរដ្ឋ​ប្រមាណ ២០០ នាក់ ទៅ​ពិនិត្យ​មើល​បង្គោល​ព្រំដែន និង​ការ​សាងសង់​ផ្លូវ​របស់​វៀតណាម។