ភ្នំពេញ: លោក ពេជ្រ ស្រស់ ប្រធាន​គណបក្ស​យុវជន​កម្ពុជា​បាន​ដាក់​ពាក្យ​បណ្តឹង​កាលពី​ថ្ងៃ​សុក្រ​ទៅ​លើ​សកម្មជន​សង្ឃ ព្រះតេជគុណ ប៊ុត ប៊ុនតិញ និង លោក ប៉ា ងួនទៀង ស្ថាបនិក​នៃ​មជ្ឈមណ្ឌល​កម្ពុជា​ដើម្បី​ប្រព័ន្ធ​ផ្សព្វផ្សាយ​ឯករាជ្យ​ដោយ​ចោទប្រកាន់​អ្នក​ទាំង​ពីរ​ថា​បាន​កិបកេង​ប្រាក់​ពី​មូលនិធិ​បុណ្យសព​លោក កែម ឡី គឺជា​អ្នក​វិភាគ​ដែល​មាន​ឈ្មោះ​ល្បី​ម្នាក់​ត្រូវ​បាន​គេ​បាញ់​សម្លាប់​កណ្ដាល​ទីក្រុង​ភ្នំពេញ​។