ភ្នំពេញ: ប្រធានាធិបតី​ឡាវ​លោក Bounnhang Vorachith ត្រូវ​បាន​រំពឹង​ថា​នឹង​មក​ដល់​រាជធានី​ភ្នំពេញ​នៅ​ថ្ងៃ​នេះ​សម្រាប់​ដំណើរ​ទស្សនកិច្ច​ផ្លូវ​រដ្ឋ​មក​ព្រះរាជាណាចក្រ​កម្ពុជា ខណៈ​ចម្ងាយ​ប្រហែល ៦០០ គីឡូម៉ែត្រ​ពី​រាជធានី​ភ្នំពេញ​ទាហាន​កម្ពុជា និង​ទាហាន​ឡាវ​នៅ​ស្ថិត​ក្នុង​ភាព​ប្រឈម​មុខ​ដាក់​គ្នា​បន្ទាប់ពី​មាន​ជម្លោះ​ដែនដី​លើ​បញ្ហា​ផ្លូវ​មួយ​ខ្សែ​ដែល​សាងសង់​ដោយ​កម្ពុជា​នៅ​ជិត​ព្រំដែន។