បន្ទាយមានជ័យៈ ប្រជាពលករ​ខ្មែរ​ចំនួន​ ១៥ ​នាក់ និង​បុរស​ជនជាតិ​ថៃ​ម្នាក់ ត្រូវ​បាន​តុលាការ​ខេត្ត​ស្រះកែវ​ ប្រទេស​ថៃ សម្រេច​ឃុំ​ខ្លួន​ពាក់ព័ន្ធ​នឹង​ករណី​ឆ្លងដែន​ចូល​ទៅ​កាប់​ឈើ​គ្រញូង​ក្នុង​តំបន់​ព្រៃ​ការពារ និង​ប្រើប្រាស់​អាវុធ​ខុស​ច្បាប់ បន្ទាប់ពី​ពួកគេ​ត្រូវ​បាន​ចាប់​ខ្លួន​កាលពី​ថ្ងៃ​ព្រហស្បតិ៍​ដោយ​កម្លាំង​សមត្ថកិច្ច​ចម្រុះ​ថៃ​ប្រចាំ​ស្រុក​វឌ្ឍនាណៈខន​។ នេះ​បើ​យោង​តាម​ប្រព័ន្ធ​ផ្សព្វផ្សាយ​ក្នុង​ស្រុក​ថៃ​ដែល​បាន​ផ្សព្វផ្សាយ​កាលពី​ម្សិលមិញ​។