ភ្នំពេញៈ តំណាង​​ប្រជាសហគមន៍​មកពី​ឃុំ​កោះកាពិ ស្រុក​កោះកុង ខេត្ត​កោះកុង បាន​នាំ​គ្នា​ឡើង​មក​ស្វែងរក​ការអន្តរាគមន៍​ពី​គណៈកម្មការ​ទី​ ៣ ​នៃ​ រដ្ឋសភា​ ស្នើ​ឲ្យ​កោះ​​ហៅ​មន្ត្រី​ដែល​ពាក់ព័ន្ធ​រួម​ទាំង​ក្រុមហ៊ុន International Rainbow Co.,Ltd មក​សាកសួរ​ដើម្បី​បញ្ឈប់​​សកម្មភាព​បូមខ្សាច់​អនាធិបតេយ្យ​នៅក្នុង​តំបន់​នោះ ក្រោយពី​មន្ត្រី​​នៅក្នុង​ឃុំ​នោះ​បាន​ដាក់​លិខិត​បណ្តេញ​ បុគ្គលិក​អង្គការ​មាតា​ធម្មជាតិ​ចេញ​ពី​ភូមិ។