ភ្នំពេញៈ ពលរដ្ឋ​ ១៣ ​គ្រួសារ​នៃ​​សហគមន៍​បឹងកក់​រួម​ទាំង​អ្នក​​គាំទ្រ​ប្រមាណ​ជាង​ ២០ ​នាក់​ផ្សេង​ទៀត​ដែល​សុទ្ធសឹង​ជា​សកម្មជន​ដីធ្លី​មកពី​សហគមន៍​នានា​​ក្នុង​រាជធានី​ភ្នំពេញ​កាលពី​ព្រឹក​ម្សិលមិញ​បាន​នាំ​គ្នា​ដាក់​លិខិត​ជូន​ដំណឹង​មួយ​ស្ដីពី​ការ «ចូល​ទៅកាន់​កាប់​ជា​ថ្មី​នៅលើ​ដី​ចាស់​របស់​ពួកគាត់​ក្នុង​តំបន់​បឹង» ជូន​លោក​ប្រធាន​រដ្ឋសភា​ជាតិ ហេង សំរិន ដើម្បី​ជួយ​អន្តរាគមន៍​ហាមឃាត់​អាជ្ញាធរ​ដែនដី​កុំ​ឲ្យ​ធ្វើ​ការ​រារាំង ឬ ​​ប្រើ​អំពើ​ហិង្សា​លើ​ពួកគាត់​ជា​ម្ចាស់​ដី ខណៈ​អាជ្ញាធរ​រាជធានី​ភ្នំពេញ​ម្ដង​ហើយ​ម្ដង​ទៀត បាន​ព្យាយាម​ពន្យារពេល​ការ​ដោះស្រាយ​បញ្ហា​វិវាទ​ដីធ្លី​ជូន​ពួកគាត់។