ស្ទឹងត្រែងៈ មន្ត្រី​បាន​និយាយ​ថា ប្រជាពលរដ្ឋ​ប្រមាណ​ ៧០ ​គ្រួសារ​បន្ថែម​ទៀត ​ដែល​រស់នៅ​តំបន់​ទំនាប​បាត​អាង​ទំនប់​វារីអគ្គិសនី​សេសាន​ក្រោម​ ២ ​ស្ថិតក្នុង​ភូមិ​ស្រែស្រណុក​ និង​ភូមិ​ច្រប់ ឃុំ​ក្បាលរមាស ​ស្រុក​សេសាន ខេត្ត​ស្ទឹងត្រែង​​បាន​យល់ព្រម​ទទួល​យក​សំណង​ ជា​ដី​លំនៅឋាន​ទំហំ ​២០ ​ម៉ែត្រ​គុណ​ ៥០ ​ម៉ែត្រ​ និង​ ថវិកា ៦០០០ ​ដុល្លារ​ ពី​ក្រុមហ៊ុន​ដើម្បី​​ចាកចេញ​ទៅកាន់​ទីតាំង​លំនៅ​ថ្មី​ ដែល​មាន​ចម្ងាយ​ប្រមាណ​ជាង​ ១៥ ​គីឡូម៉ែត្រ ​ពី​ភូមិ​ចាស់​របស់​ពួកគេ។