ភ្នំពេញ: លោកគ្រូ​អ្នកគ្រូ​ដែល​ជា​អនុរក្ស​សម្រាប់​ការ​ប្រឡង​សញ្ញាបត្រ​មធ្យម​សិក្សា​ទុតិយភូមិ​ណា​ម្នាក់​ដែល​យក​លុយ​ពី​បេក្ខជន-បេក្ខនារី​ជា​ថ្នូរ​ក្នុង​ការ​ផ្ដល់​ចម្លើយ​ ឬ បើក​ឱកាស​ឲ្យ​មាន​ការ​លួច​ចម្លង​ឯកសារ ឬ​លួច​ចម្លង​គ្នា​ទៅ​វិញ​ទៅ​មក​ក្នុង​អំឡុង​ពេល​ប្រឡង​នឹង​ត្រូវ​ប្រឈម​ការ​ពិន័យ​ទោស​ឲ្យ​ជាប់​ពន្ធនាគារ​យ៉ាង​តិចមួយ​ឆ្នាំ។ នេះ​បើ​តាម​ការ​អះអាង​របស់​លោក​រដ្ឋមន្ត្រី​ក្រសួង​អប់រំ​ ហង្ស ជួនណារ៉ុន ពី​ម្សិលមិញ​។