ភ្នំពេញ: ព្រះមហាក្សត្រ​ព្រះបាទ នរោត្តម សីហមុនី ទ្រង់​បាន​អំពាវនាវ​ដល់​ប្រជាពលរដ្ឋ​ដែល​គ្រប់​អាយុ ត្រូវ​ប្រើ​សិទ្ធិ​របស់​ខ្លួន​ទៅ​បោះឆ្នោត​ជ្រើសរើស​ក្រុម​ប្រឹក្សា​ឃុំ សង្កាត់​ដែល​នឹង​ប្រព្រឹត្ត​ទៅ​នៅ​ថ្ងៃ​ទី ៤ មិថុនា ខាង​មុខ​នេះ​ដោយ​កុំ​មាន​ការ​ភ័យខ្លាច​ពី​ការ​គំរាម​កំហែង ខណៈ​ដែល​រដ្ឋាភិបាល​ផ្តល់​ថវិកា​ជាង ៥០ លាន​ដុល្លារ​ដល់ គ.ជ.ប សម្រាប់​ចំណាយ​ទៅ​ការងារ​បោះឆ្នោត​នេះ។