ក្រចេះ៖ ព្រះសង្ឃ​ជិត​ ១០០ ​អង្គ ដែលមានព្រះជន្ម​ពី ១០ ទៅ​ ១៨ វស្សា​ គង់នៅ​វត្ត​សសរ​ ១០០ ដែលមានទីតាំងស្ថិតនៅ​ភូមិ​សំបូរ ឃុំ​សំបូរ ស្រុក​សំបូរ ​ កាលពីព្រឹកមិញ បាន​ក្អួតចង្អោរ ឈឺ​ពោះ ឈឺ​ក្បាល និង រាគ​រូស ក្រោយ​​ពេល​​ទទួល​ទាន​ចង្ហាន់​ពេល​ព្រឹក ហើយ​​ត្រូវ​បាន​អាជ្ញាធរ​មូលដ្ឋាន​ជួយ​អន្តរាគមន៍​បញ្ជូន​ទៅ​កាន់​​មន្ទីរ​ពេទ្យ​បង្អែក​​ស្រុក​សំបូរ​ភ្លាមៗ ដើម្បី​​ព្យាបាល។ នេះ​បើ​តាម​ការ​ប្រាប់​ឲ្យ​ដឹង​ពី លោក ប៊ុន ឈឿន អធិការ​នគរបាល​​​ស្រុក​សំបូរ។