ភ្នំពេញៈ មន្ត្រី​ជាន់​ខ្ពស់​ម្នាក់ នៃ ក្រសួង​អភិវឌ្ឍន៍​ជន​បទ បាន​ថ្លែង​ឲ្យ​ដឹង​ថា ភូមិ​គំរូ​ចលនា​ភូមិ​ថ្មី​ចំនួន ៤០​ភូមិ​ទៀត នឹង​ត្រូវ​បាន​បង្កើត​ឡើង នៅ​ពេល​ឆាប់ៗ​នេះ នៅ​តាម​ខេត្ត-ក្រុង​មួយ​ចំនួន​នៅ​ក្នុង​ប្រទេស​កម្ពុជា បន្ទាប់​ពី​ភូមិ​គំរូ​ចលនា​ភូមិ​ថ្មី​ចំនួន​២ ដែល​បាន​យក​លំនាំ​ការ​អនុវត្តន៍​តាម​គំរូ​របស់​ប្រទេស​កូរ៉េ​ខាង​ត្បូង មក​អនុវត្ត​នៅ​ក្នុង​ប្រទេស​កម្ពុជា​កាល​ពី​ឆ្នាំ​២០០៩ ក្រោម​ការ​ឧបត្ថម្ភ​ថវិកា និង​បច្ចេកទេស ពី​ មជ្ឍមណ្ឌល​ចលនា​ភូមិ​ថ្មី​ប្រទេស​កូរ៉េ​ខាង​ត្បូង​នោះ បាន​ទទួល​ការ​ជោគជ័យ និង បាន​ជួយ​ផ្លាស់​ប្តូរ ជីវភាព របស់​អ្នក​ភូមិ​ខ្មែរ ព្រម​ទាំង​មាន​ការ​អភិវឌ្ឍន៍ រីក​ចម្រើន នៅ​ក្នុង​សហគមន៍​របស់​ពួក​គេ​ទៀត​ផង។