សាលាក្តី​ខ្មែរ ​ក្រហម កាល​ពី​ថ្ងៃ​ព្រហស្បតិ៍​សប្តាហ៍​មុន បាន​ចេញ​សេចក្តី​ប្រកាស​ ធ្វើ​ឲ្យ​មាន​ការ​ភ្ញាក់​ផ្អើល​យ៉ាង​ខ្លាំង​មួយ ពី​ការ​ដោះ​លែង​លោក​ស្រី អៀង ធីរិទ្ធ អតីត​រដ្ឋ​មន្ត្រី​សង្គម​កិច្ច នៅ​ក្នុង​របប​ខ្មែរ​ក្រហម ដែល​ជា​ជន​ជាប់​ចោទ​នៅ​ក្នុង​សំណុំ​រឿង​០០២ ដោយ​សារ​តែ​ជំងឺ​វង្វេង​វង្វាន់ បាត់​បង់​ការ​ចង​ចាំ​កាន់​តែ​ធ្ងន់ធ្ងរ​របស់​គាត់​ ដែល​មិន​អាច​ធ្វើ​ការ​ព្យាបាល​ឲ្យ​ជា​សះ​ស្បើយ​បាន​។ នៅ​ទី​បំផុត លោក​ស្រី អៀង ធីរិទ្ធ ត្រូវ​បាន​ដោះ​លែង​ពី​មន្ទីរ​ឃុំ​ឃាំង សាលាក្តី​ខ្មែរ​ក្រហម កាល​ពី​ថ្ងៃ​អាទិត្យ​។