ភ្នំពេញៈ ខណៈ​មន្ត្រី​ក្រសួង​មហាផ្ទៃ​ម្នាក់​បាន​ថ្លែង​កាលពី​ម្សិលមិញ​ថា​ការ​ស៊ើបអង្កេត​ទៅ​លើ​ក្រុម​អង្គការ​បន្ទប់​ស្ថានការណ៍​ជា​សម្ព័ន្ធ​អង្គការ​ក្រៅ​រដ្ឋាភិបាល​ដែល​ធ្វើការ​ឃ្លាំ​មើល​ការ​បោះឆ្នោត​កំពុង​បន្ត​ធ្វើ​ឡើង​មាន​ពាក្យ​ចចាម​អារ៉ាម​លើ​ហ្វេសប៊ុក​ថា សមាជិក​បី​នាក់​នៃ​ក្រុម​នេះ​បាន​ចាកចេញ​ពី​ប្រទេស ប៉ុន្តែ​ពីរ​នាក់​ក្នុង​ចំណោម​ពួកគេ​បាន​បញ្ជាក់​ថា​ពួកគេ​កំពុង​ស្ថិត​នៅ​ក្នុង​ដំណើរ​ទស្សនកិច្ច​ផ្លូវការ​ហើយ​នឹង​ត្រឡប់​មក​វិញ​នៅ​ពីរ​បី​សប្តាហ៍​ខាង​មុខ​។