ភ្នំពេញៈ លោក ធន សារាយ បាន​ហៅ​ការ​ចាប់​ឃុំ​ខ្លួន​មន្ត្រី​អង្គការ​សិទ្ធិ​មនុស្ស​អាដហុក ៤ រូប​ និង​មន្ត្រី គជប មួយ​រូប​ថា​ធ្វើ​ឡើង​ដោយ «បំពាន» និង «អយុត្តិធម៌​បំផុត» ខណៈ​ដែល​ជន​ជាប់ចោទ​បាន​ហៅ​តុលាការ​ថា​ជា «តុលាការ​តេឡេ​កុម៉្មង់» នៅ​ពេល​ដែល​សាលា​ដំបូង​រាជធានី​ភ្នំពេញ​កាលពី​ម្សិលមិញ​បាន​សម្រេច​ពន្យារ​ពេល​បន្ត​ឃុំ​ខ្លួន​មន្ត្រី​ទាំង​នេះ​ចំនួន ៦ ខែ​បន្ត​ទៀត​ក្នុង​សំណុំ​រឿង​សូកប៉ាន់​សាក្សី បន្ទាប់ពី​បាន​ឃុំ​ខ្លួន​ពួកគាត់​អស់​រយៈពេល​មួយ​ឆ្នាំ​គត់​គិត​ត្រឹម​ថ្ងៃ​នេះ។