ភ្នំពេញៈ មន្ត្រី​គណបក្ស​ប្រឆាំង​បាន​អះអាង​ថា​គណបក្ស​កាន់​អំណាច​បាន​បន្ត​បង្ខិតបង្ខំ និង​បញ្ចុះបញ្ចូល​មន្ត្រី​របស់​ខ្លួន​ឲ្យ​ចុះ​ចូល​នៅ​ថ្ងៃ​ឱសានវាទ​ចុង​ក្រោយ​គឺ​ឲ្យ​បាន​នៅ​មុន​ថ្ងៃ​ទី​ ១៦ ខែ​វិច្ឆិកា​ទៅ​តាម​ការ​កំណត់​របស់​លោក​នាយក​រដ្ឋមន្ត្រី ហ៊ុន សែន ខណៈ​សន្តិសុខ​ត្រូវ​បាន​រឹតបន្តឹង​គ្រប់​ខេត្ត ដើម្បី​រារាំង និង​មិន​ឲ្យ​សមាជិក​ថ្នាក់​មូលដ្ឋាន​របស់​គណបក្ស​សង្គ្រោះ​ជាតិ​ឡើង​មក​កាន់​រាជធានី​ភ្នំពេញ ដើម្បី​មក​ចូលរួម​តវ៉ា​ប្រឆាំង​សវនាការ​រំលាយ​គណបក្ស​សង្គ្រោះ​ជាតិ​នៅ​ថ្ងៃ​នេះ​។