ភ្នំពេញៈ ជនជាតិ​ដើម​ភាគ​តិច​នៃ​ប្រទេស​ជា​សមាជិក​អាស៊ាន​ទាំង ១០ នឹង​ជួប​ជុំ​គ្នា​ក្នុង​ព្រឹត្តិការណ៍​មហោស្រព​អាស៊ាន ឆ្នាំ​២០១៤ នៅ​ព្រះ​រាជា​ណាចក្រ​កម្ពុជា ដើម្បី​សម្ដែង​សិល្បៈ​រួម​គ្នា​ស្ដី​ពី «ជីវិត​និង​វប្បធម៌​របស់​ជនជាតិ​ដើម​ភាគ​តិច​អាស៊ាន» ដែល​នឹង​ប្រារព្ធ​ធ្វើ​ឡើង​នៅ​ថ្ងៃ ទី២១ ខែ​វិច្ឆិកា ខាង​មុខ​នេះ នៅ​សាល​ចតុមុខ ក្នុង​រាជធានី​ភ្នំពេញ។ នេះ​បើ​តាម​ការ​ឲ្យ​ដឹង​ពី​លោក សំរាំង កំសាន្ត រដ្ឋ​លេខាធិការ​ក្រសួង​វប្បធម៌​និង​វិចិត្រ​សិល្បៈ កាល​ពី​ព្រឹក​ថ្ងៃ​ចន្ទ​ម្សិល​មិញ។