Search form

Login - Register | FOLLOW US ON

Logo of Phnom Penh Post newspaper Phnom Penh Post - មាន​ការ​ជំទាស់​ខ្លាំង​នឹង​ការ​មិន​បន្ត​ទិដ្ឋាការ​សកម្មជន​អារ៉ែង

លោក Alex Gonzalez-Davidson សកម្មជន​តំបន់​អារ៉ែង។
លោក Alex Gonzalez-Davidson សកម្មជន​តំបន់​អារ៉ែង។ ផា លីណា

មាន​ការ​ជំទាស់​ខ្លាំង​នឹង​ការ​មិន​បន្ត​ទិដ្ឋាការ​សកម្មជន​អារ៉ែង

ភ្នំពេញៈ ខណៈ​មាន​ការ​ជំទាស់​កាន់តែ​ខ្លាំង​ពី​ម្សិលមិញ​ទៅ​នឹង​ការ​និរទេស​លោក Alex Gonzalez-Davidson សកម្មជន​តំបន់​អារ៉ែង នៅពេល​ទិដ្ឋាការ​លោក​ត្រូវ​ផុត​ក្នុង​សប្តាហ៍​នេះ អ្នកវិភាគ​លើក​ឡើង​ថា រដ្ឋាភិបាល​សង្ឃឹម​ពី​ការ​ត្រួសត្រាយ​ដើម្បី​អភិវឌ្ឍ​ជ្រលង​នេះ​។

ខណៈ​ការសិក្សា​ពី​ទំនប់​វារីអគ្គិសនី​ដ៏ចម្រូងចម្រាស​នេះ​ជិត​បញ្ចប់ លោក អៀរ សុផល អ្នកនិពន្ធ​សៀវភៅ Aid Dependence in Cambodia: How Foreign Assistance Undermines Democracy ថ្លែង​ថា អាជ្ញាធរ​ចង់​ឲ្យ​ជន​អេស្ប៉ាញ​ចេញ​ពី​ផ្លូវ​ដើម្បី​អាច​បន្ត​អនុវត្ត​គម្រោង។​លោក​ថា៖ «​ទីបំផុត គឺ​ប្រជាជន​ជ្រលង​អារ៉ែង​នឹង​ត្រូវ​ចេញមុខ ព្រោះ​វា​ជា​ដី​ពួកគេ​»​។

លោក វេន វន តំណាង​សហគមន៍​នេះ​ឲ្យ​ដឹង​ថា អ្នកភូមិ​នឹង​តវ៉ា​ប្រឆាំង​នឹង​ការ​និរទេស​នេះ។

លោក​បន្ត​ថា៖ «​វា​មិន​ល្អ​ទេ សម្រាប់​ប្រជាជន​រងគ្រោះ​តំបន់​នោះ ព្រោះ​លោក Alex ជា​បុរស​ខ្លាំង​ដែល​ជួយ​យើង​ប្រឆាំង​នឹង​អាជ្ញាធរ ដែល​ចង់​បំផ្លិចបំផ្លាញ​ធនធាន​ធម្មជាតិ​»។ «​កម្ពុជា​មាន​ជនបរទេស​ជាច្រើន។ ហេតុអី​ក៏​មាន​បញ្ហា​តែ​លោក Alex?»​។

លោក Davidson ជា​បុគ្គលិក បរទេស​ទី​១ នៃ​អង្គការ​ក្រៅ​រដ្ឋាភិបាល​ដែល​ត្រូវ​បណ្តេញចេញ​ពី​កម្ពុជា បន្ត​ពី​បុគ្គលិក​អង្គការ​ក្លូបលវីណេស​ត្រូវ​ហាម​មិន​ឲ្យ​ចូល​ក្នុង​ប្រទេស​នេះ ក្នុង​ឆ្នាំ ២០០៥។

អាជ្ញាធរ​អះអាង​ថា គាត់​នឹង​ត្រូវ​អនុញ្ញាត​ឲ្យ​ស្នើសុំ​ទិដ្ឋាការ បើ​គាត់​ចាកចេញ​ដោយ​ស្ម័គ្រចិត្ត​។ បើ​មិន​ដូច្នោះ គាត់​នឹង​ត្រូវ​និរទេស ហើយ​ហាម​មិន​ឲ្យ​វិល​មក​វិញ​ទេ​។

លោក អ៊ូ វីរៈ អ្នកវិភាគ​ឯករាជ្យ​ថ្លែង​ថា វិធីសាស្រ្ត​ប្រឈម​តទល់​របស់​លោក Gonzalez-Davidson គឺជា​មូលហេតុ​នៃ​ការ​និរទេស​នេះ។ លោក​បញ្ជាក់​ថា៖ « Alex គឺជា​បន្លា ហើយ​គេ​ចង់​យក​គាត់​ចេញ។ ខ្ញុំ​គិត​ថា បន្ទាប់ពី​លោក Alex ទៅ​បាត់ [សកម្មជន​ក្នុង​ស្រុក] អាច​ភ័យខ្លាច​ក្នុង​ការ​បន្ត​ការងារ​គាត់​»។

ក្នុង​ខែ​តុលា​លោក សម រង្ស៊ី ប្រធាន​គណបក្ស​ប្រឆាំង បាន​ថ្លែង​ថា លោកនាយករដ្ឋមន្រ្តី ហ៊ុនសែន ធានា​ថា​ទំនប់​នេះ​នឹង​ទុក​សម្រាប់​អ្នក​ជំនាន់​ក្រោយ​។

ប៉ុន្តែ ក្នុង​លិខិត​ពី​លោកនាយករដ្ឋមន្រ្តី កាលពី​ខែ​មុន បាន​សរសើរ​ពី​អត្ថប្រយោជន៍​បរិស្ថាន​នៃ​គម្រោង ហើយ​បញ្ជាក់​ថា គម្រោង​ស្ថិត​ក្នុង​របៀបវារៈ​នៅ​ឡើយ​ទេ។

កាលពី​ម្សិលមិញ លោក សម រង្ស៊ី ចាត់ទុក​សេចក្តី​សម្រេច​មិន​បន្ត​ទិដ្ឋាការ​ឲ្យ​លោក Gonzalez-Davidson ជា​សេចក្តី​សម្រេច​មិន​យុតិ្តធម៌ និង​មិន​ត្រឹមត្រូវ។ លោក​បន្ត​ថា ចំណាត់ការ​នេះ​ជា​ការ​ពង្រឹង មិន​ត្រឹមតែ​លើ​សេរីភាព​បក្សប្រឆាំង​ទេ គឺ​លើ​សេរីភាព​សង្គម​ស៊ីវិល​ដែល​ដើរតួនាទី​សំខាន់​ក្នុង​ការ​ពង្រឹង​លទិ្ធប្រជាធិបតេយ្យ។

ប៉ុន្តែ លោក Gonzalez-Davidson ថ្លែង​ថា ការ​គំរាម​នោះ​នឹង​មិន​រាំងស្ទះ​កិច្ចប្រឹងប្រែង​អភិរក្ស​របស់​អង្គការ Mother Nature ទេ។ លោក​បន្ត​ថា៖ «​វា​នឹង​ប៉ះពាល់​លើ​ពួកគេ​វិញ បើ​គេ​បង្ខំ​ខ្ញុំ​ឲ្យ​ចេញ ហើយ​ពួកគេ​នឹង​ទទួល​ការ​ផ្សព្វផ្សាយ​អវិជ្ជមាន​ច្រើន វា​នឹង​មាន​ផលប៉ះពាល់​។ តែ​មិនមែន​ផលអវិជ្ជមាន​លើ​ការងារ​យើង​ទេ។

លោក​ថា ការតវ៉ា​បាន​គ្រោង​ធ្វើ​នៅ​រាជធានី ប៉ុន្មាន​ថ្ងៃ​ខាង​មុខ​នេះ៕ TK/ រាយការណ៍​បន្ថែម ម៉ៃ ទិត្យថារ៉ា

0

Comments

Please, login or register to post a comment

ព័ត៌មានពាក់ព័ន្ធ