ភ្នំពេញៈ សាលា​ដំបូង​រាជធានី​ភ្នំពេញ​កាលពី​ម្សិលមិញ​បាន​សម្រេច​ឃុំ​ខ្លួន​មេឃុំ​លោក ស៊ាង ចែត មកពី​បក្ស​ប្រឆាំង​ដោយ​ចោទ​ពី​បទ​សូកប៉ាន់​សាក្សី​ខណៈ​អង្គភាព​ប្រឆាំង​អំពើ​ពុករលួយ​ ACU បន្ត​សួរ​​ចម្លើយ​មន្ត្រី​​អង្គការ​សិទ្ធិ​មនុស្ស​អាដហុក​ចំនួន ៤ រូប​ចាប់​តាំងពី​ព្រឹក​រហូត​ដល់​ម៉ោង​​ជាង​​ ១០ យប់​នៅ​តែ​មិន​ទាន់​បញ្ចប់​នៅ​ឡើយ​ទាក់ទិន​នឹង​រឿង​បណ្តឹង​របស់​ ស្រីមុំ ដូច​គ្នា​ដែល​ចោទ​អ្នក​ទាំង​នោះ​ថា​បាន​​ប្រាប់​នាង​ឱ្យ​កុហក​មហាជន​រឿង​ស្នេហា​ជាមួយ​លោក កឹមសុខា ប្រធាន​ស្តី​ទី​គណបក្ស​សង្គ្រោះ​ជាតិ​។ ជាមួយ​គ្នា​នេះ​ក្រុម​ស្ត្រី​សកម្មជន​ដីធ្លី​ប្រមាណ​ជាង​ ១០ នាក់​ដែល​ឈរ​ស្រែក​តវ៉ា​នៅ​ខាង​ក្រៅ​ ACU ត្រូវ​បាន​សន្តិសុខ​ខណ្ឌ​ដូនពេញ​ចាប់​សែង​ចេញ​មក​ខាង​ក្រៅ​។