ភ្នំពេញ: លោក សំ សុគង់ មេធាវី​ម្នាក់​ក្នុង​ចំណោម​មេធាវី​ ៨ ​នាក់​ដែល​បាន​ការពារ​ក្ដី​ឲ្យ​លោក កឹម សុខា ប្រធាន​គណបក្ស​សង្គ្រោះ​ជាតិ​ដែល​កំពុង​ជាប់​ឃុំ​ក្នុង​ពន្ធនាគារ​ត្រពាំងផ្លុង​កាលពី​ម្សិលមិញ​បាន​រិះគន់​ចំពោះ​អ្នក​គ្រប់គ្រង​ពន្ធនាគារ​ថា​បាន​បំពាន​សិទ្ធិ​សម្ងាត់​នៃ​ការ​សន្ទនា​រវាង​កូនក្ដី​ និង​មេធាវី​ដែល​ផ្ទុយ​នឹង​ច្បាប់​ក្រម​នីតិវិធី​ព្រហ្មទណ្ឌ និង​ច្បាប់​លក្ខន្តិកៈ​នៃ​មេធាវី ប៉ុន្តែ​មន្ត្រី​ពន្ធនាគារ​អះអាង​ថា​នេះ​ជា​វិធានការ​ការពារ​សុវត្ថិភាព​អ្នក​ជាប់​ឃុំ​។