Search form

Login - Register | FOLLOW US ON

Logo of Phnom Penh Post newspaper Phnom Penh Post - មេ​បក្ស​ប្រឆាំង​ស្នើ​ឲ្យ​លោក ស ខេង បន្ត​ទិដ្ឋាការ អាឡិច

Content image - Phnom Penh Post

មេ​បក្ស​ប្រឆាំង​ស្នើ​ឲ្យ​លោក ស ខេង បន្ត​ទិដ្ឋាការ អាឡិច

ភ្នំពេញៈ លោក សម រង្ស៊ី ប្រធាន​គណបក្ស​សង្គ្រោះ​ជាតិ បាន​ស្នើ​ឲ្យ​លោក ស ខេង ប្រធាន​ក្រុម​មតិ​ភាគ​ច្រើន​នៅ​រដ្ឋសភា​ជួយ​អន្តរាគមន៍​ឲ្យ​នាយកដ្ឋាន​អន្តោ​ប្រវេសន៍​នៃ​ក្រសួង​មហាផ្ទៃ បន្ត​ទិដ្ឋាការ​ឲ្យ​លោក Alejandro Gonzalez Davidson ជនជាតិ អេស្ប៉ាញ ដែល​ជា​សកម្មជន​ការពារ​ធនធាន​ធម្មជាតិ​ដ៏​ល្បី​ល្បាញ នៅ​តំបន់​ជាយ​អារ៉ែង មាន​សិទ្ធិ​ស្នាក់នៅ​និង​បំពេញ​ការងារ​នៅ​កម្ពុជា​ក្នុង​នាម​ជា​អង្គការ​សង្គម​ស៊ីវិល​តទៅ​ទៀត។

នៅ​ក្នុង​លិខិត​មួយ​ច្បាប់​ផ្ញើ​ជូន​លោក ស ខេង ឧប​នាយក​រដ្ឋ​មន្ត្រី និង​ជា​រដ្ឋមន្ត្រី​ក្រសួង​មហាផ្ទៃ កាលពី​ម្សិលមិញ លោក សម រង្ស៊ី ដែល​ជា​ប្រធាន​ក្រុម​មតិ​ភាគ​តិច​នៅ​រដ្ឋសភា បាន​បញ្ជាក់​ថា រូប​លោក ក៏​ដូច​ជា​ប្រជា​ពលរដ្ឋ​ខ្មែរ​ជាច្រើន យល់​ឃើញ​ថា «លោក Alejandro មិន​មែន​ជា​ឧក្រិដ្ឋជន​ទេ​​ ឬ​ក៏​មិន​បាន​ប្រព្រឹត្ត​បទ​ល្មើស​អ្វី​ធ្ងន់ធ្ងរ ដែល​តម្រូវ​ឲ្យ​បណ្តេញ​គាត់​ចេញ​ពី​ប្រទេស​កម្ពុជា» នោះ​ឡើយ ដោយ​សាមី​ខ្លួន​គ្រាន់​តែ​ជា​សកម្មជន​ម្នាក់​ក្នុង​មជ្ឈដ្ឋាន​សង្គម​ស៊ីវិល​ដែល​បាន​ជួយ​ឲ្យ​សាធារណមតិ​មាន​ការ​ចាប់​អារម្មណ៍​ចំពោះ​បញ្ហា​បរិស្ថាន​ព្រម​ទាំង​ជួយ​ឲ្យ​ប្រជា​ពលរដ្ឋ​មាន​ការ​យល់​ដឹង​អំពី​សិទ្ធិ​របស់​ខ្លួន​កាន់​តែ​ច្បាស់​ប៉ុណ្ណោះ។

លោក Alejandro ដែល​ក្រសួង​មហាផ្ទៃ​នឹង​មិន​បន្ត​ទិដ្ឋាការ​ឲ្យ​ស្នាក់​នៅ​កម្ពុជា ខណៈ​ដែល​ទិដ្ឋាការ​របស់​លោក​នឹង​ចប់​នៅ​ថ្ងៃ ទី២០ ខែ​កុម្ភៈ នេះ បាន​បង្ហាញ​ថា លោក​ស្រឡាញ់​គោរព​វប្បធម៌ និង​ប្រពៃណី​ខ្មែរ ហើយ​ចេះ​និយាយ​ភាសា​ខ្មែរ​បាន​យ៉ាង​ច្បាស់ បាន​ប្តេជ្ញា​ធ្វើ​ការ​តស៊ូ​មតិ​មិន​ឲ្យ​មាន​ការ​សង់​ទំនប់​វារី​អគ្គិសនី​នៅ​តំបន់​ជាយ​អារ៉ែង ដែល​នឹង​ធ្វើ​ឲ្យ​ប៉ះ​ពាល់​ធ្ងន់ធ្ងរ​ដល់​ធនធាន​ធម្មជាតិ​របស់​កម្ពុជា​នោះ​ឡើយ៕

0

Comments

Please, login or register to post a comment