ភ្នំពេញៈ នាយ​ឧត្តម​សេនីយ៍ សៅ សុខា អគ្គ​មេ​បញ្ជា​ការ​រង​កង​យោធពល​ខេមរភូមិន្ទ និង​ជា​មេ​បញ្ជា​ការ​កង​រាជ​អាវុធ​ហត្ថ​លើ​ផ្ទៃ​ប្រទេស កាល​ពី​ថ្ងៃ​ទី​០៦ ខែ​កុម្ភៈ បាន​ធ្វើ​លិខិត​ស្នើ​ទៅ​អគ្គនាយក​ដ្ឋាន​ពន្ធដារ នៃ​ក្រសួង​សេដ្ឋកិច្ច និង​ហិរញ្ញ​វត្ថុ សុំ​ធ្វើ​ការ​ត្រួត​ពិនិត្យ​លើ​យាន​យន្ត​យោធា ដែល​ពាក់​ស្លាក​ខេមរ​ភូមិន្ទ «ខ.ម» គ្រប់​ប្រភេទ ដែល​កំពុង​ចរាចរណ៍​ក្នុង​ប្រទេស​កម្ពុជា ដើម្បី​ពិនិត្យ​រក​រថយន្ត​ប្រើ​លេខ «ខ.ម» នេះ​ក្លែង​ក្លាយ យក​ទៅ​ប្រព្រឹត្ត​បទ​ល្មើស​ផ្សេងៗ​ធ្វើ​ឲ្យ​ប៉ះ​ពាល់​ដល់​កិត្តិយស​កង​ទ័ព​ជាតិ និង​ដើម្បី​ប្រមូល​ពន្ធ​ជូន​ជាតិ​ពី​រថយន្ត ទាំង​នោះ​ផង។