ភ្នំពេញ: សមាជិក​រដ្ឋសភា​ ៦៧ ​រូប​មកពី​គណបក្ស​ប្រជាជន​កម្ពុជា​កាលពី​ម្សិលមិញ​បាន​សម្រេច​ដោយ​លើក​ដៃ​ជា​ឯកច្ឆន្ទ​បើក​ផ្លូវ​ឲ្យ​ស្ថាប័ន​តុលាការ​បន្ត​នីតិវិធី​ប្រឆាំង​លោក កឹម សុខា ប្រធាន​គណបក្ស​សង្គ្រោះ​ជាតិ​ដែល​កំពុង​ជាប់​ពន្ធនាគារ​ពី​បទ​ក្បត់ជាតិ ខណៈ​សមាជិក​រដ្ឋសភា​គណបក្ស​ប្រឆាំង​មួយ​នេះ​បាន​ធ្វើ​ពហិការ​ដោយ​បាន​ធ្វើ​ដំណើរ​ទៅ​សួរ​សុខទុក្ខ​លោក​ កឹម សុខា នៅ​គុក​ត្រពាំង​ផ្លុង ប៉ុន្តែ​ត្រូវ​បាន​សមត្ថកិច្ច​រារាំង​។