ភ្នំពេញ៖ ស្នងការ​នគរបាល​ជាតិ​កម្ពុជា បាន​អះអាង​ថា ជន​សង្ស័យ​ក្នុង​បទល្មើស​គ្រឿង​ញៀន​ដែល​ត្រូវ​បាន​ឃាត់​ខ្លួន​នៅ​ក្នុង​រយៈពេល ៩ ខែដំបូង​នៅ​ឆ្នាំ​នេះ មាន​ចំនួន​ច្រើន​ជាង​រយៈពេល​ដូច​គ្នា​កាល​ពី​ឆ្នាំ​មុន​ដល់​ទៅ​ជាង ១ ពាន់​នាក់ ក៏​ប៉ុន្តែ បរិមាណ​ថ្នាំ​ញៀន​ដែល​រឹបអូស​បាន​មាន​ការ​ថយ​ចុះ ដែល​បាន​ធ្វើ​ឲ្យ​ក្រុម​អ្នក​អង្កេត​ជំរុញ​ក្រុម​សមត្ថកិច្ច​ឲ្យ​ផ្តល់​អទិភាព​លើ​ការ​បង្ក្រាប​ឈ្មួញ​ធំៗ ជា​ជាង «ត្រី​តូចៗ»។