ភ្នំពេញៈ មេ​បញ្ជា​ការ​កង​រាជអាវុធ​លើ​ផ្ទៃ​ប្រទេស កាល​ពី​ម្សិល​មិញ​នេះ បាន​សម្រេច​បង្កើត​គណៈកម្ម​ការ​ចំពោះ​កិច្ច ដើម្បី​ធ្វើ​អធិការ​កិច្ច​ទៅ​លើ​បាតុ​ភាព ក្នុង​ពេល​បំពេញ​បេសកកម្ម​របស់​កង​រាជ​អាវុធ​ហត្ថ​ខេត្ត​ត្បូង​ឃ្មុំ និង​ខេត្ត​ព្រៃ​វែង ករណី​បាញ់​គំរាម​និង​វាយដំ​​ទៅ​លើ​បុរស​អ្នក​ដឹក​ស្រូវ​ពីរ​នាក់ ដែល​សមត្ថកិច្ច​ថា ពួក​គេ​ដឹក​ស្រូវ​គេច​ពី​កន្លែង​ថ្លឹង​រថយន្ត និង​បង្ក​គ្រោះ​ថ្នាក់​ចរាចរណ៍​តាម​ផ្លូវ។