ភ្នំពេញៈ រោងចក្រ​ផ្គត់ផ្គង់​​សម្លៀក​​បំពាក់​យ៉ាង​ហោច​ណាស់​បួន​ដែល​មាន​ម៉ាក Hennes & Mauritz (H&M)​ ជា​ម៉ាក​​​​របស់​ប្រទេស​ស៊ុយអែត​​ត្រូវ​អង្គការ​សិទ្ធិ​ការងារ​ក្នុង​ស្រុក​មួយ​លើក​ឡើង​ថា​មាន​បញ្ហា​ពាក់ព័ន្ធ​នឹង​ការ​បន្ត​ប្រើ​កិច្ចសន្យា​ការងារ​រយៈពេល​ខ្លី​ និង​​មាន​បញ្ហា​ពាក់ព័ន្ធ​នឹង​សិទ្ធិ​​ក្នុង​ការ​បង្កើត​សហជីព​​ក្នុង​​នោះ​​រោងចក្រ​មួយ​​ក្នុង​ចំណោម​រោងចក្រ​​ទាំង​​នោះ​បាន​ផ្តល់​ប្រាក់​ឈ្នួល​ដល់​​កម្មករ​និយោជិត​ទាប​ជាង​​ប្រាក់​ឈ្នួល​អប្បបរមា​ដែល​មាន​ ​១៤០ ​ដុល្លារ។