ភ្នំពេញៈ លោក កឹម សុខា អនុ​ប្រធាន​គណបក្ស​ប្រឆាំង ដែល​ត្រូវ​បាន​គេ​លាប​ពណ៌​ជា​យូរ​មក​ហើយ​ថា ជា​អ្នក​ក្បាល​រឹង​ក្នុង​ការ​បង្រួប​បង្រួម​នយោបាយ ដែល​បាន​បង្កើត​គណបក្ស​សង្គ្រោះ​ជាតិ​នោះ បាន​ថ្លែង​ជា​សាធារណៈ​អំពី​ការ​មិន​ឯកភាព​ផ្ទាល់​ខ្លួន​ចំពោះ​កិច្ច​ព្រម​ព្រៀង​នយោបាយ ដែល​គណបក្ស​របស់​លោក​បាន​ចុះ​កាលពី ខែ​កក្កដា ឆ្នាំ​មុន ជាមួយ​នឹង​គណបក្ស​ប្រជាជន​របស់​លោក​នាយក​រដ្ឋ​មន្ត្រី ហ៊ុន សែន។