ភ្នំពេញ: រដ្ឋលេខាធិការ​ទីស្តីការ​គណៈរដ្ឋមន្ត្រី និង​ជា​អ្នក​នាំពាក្យ​រដ្ឋាភិបាល​លោក ផៃ ស៊ីផាន មាន​គម្រោង​នឹង​ប្តឹង​ទៅ​តុលាការ​ប្រឆាំង​បុរស​ម្នាក់​ដែល​កំពុង​រស់នៅ​ប្រទេស​ជប៉ុន ដែល​បាន​សរសេរ​សារ​បែប​ប្រមាថ​ចំពោះ​សព​លោក សុខ អាន អតីត​ឧបនាយក​រដ្ឋមន្ត្រី និង​រដ្ឋមន្ត្រី​ទទួល​បន្ទុក​ទីស្ដីការ​គណៈរដ្ឋមន្ត្រី។ បណ្ដឹង​នេះ​នឹង​ធ្វើ​ឡើង​បន្ទាប់ពី​រៀបចំ​បុណ្យ​សព​រួចរាល់។