ភ្នំពេញ: លោក ហ៊ុន សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ថ្លែង​ទៅ​កាន់​កម្មករ​រោងចក្រ​ប្រមាណ​ជាង​ ១ ​ម៉ឺន​នាក់​នៅ​ក្នុង​តំបន់​សេដ្ឋកិច្ច ពិសេស​ភ្នំពេញ​ក្នុង​សង្កាត់​កំបូល ខណ្ឌ​ពោធិ៍សែនជ័យ​កាលពី​ម្សិលមិញ​ដោយ​បាន​ទទូច​ឲ្យ​កម្មករ​គាំទ្រ​បក្ស​កាន់​រដ្ឋាភិបាល​ដើម្បី​បន្ត​បាន​នូវ​និរន្តរភាព​ការងារ​ធ្វើ​នៅ​តាម​រោងចក្រ​នានា​នៅ​ក្នុង​ប្រទេស​កម្ពុជា ទន្ទឹម​គ្នា​នោះ​ដែរ​លោក​បាន​រិះគន់​ចំពោះ​ទង្វើ​របស់​បក្ស​ប្រឆាំង​ដោយ​មិន​បញ្ចេញ​ឈ្មោះ​ដែល​លោក​អះអាង​ថា​បាន​ព្យាយាម​រារាំង​ជំនួយ ការ​វិនិយោគ​បរទេស និង​ការ​បញ្ជា​ទិញ​ផលិតផល​ពី​កម្ពុជា​គឺជា​ទង្វើ​ក្បត់​ជាតិ​ និង​សម្លាប់​ជាតិ​ឯង​។