ភ្នំពេញៈ វត្ដមាន​របស់​កង​រថក្រោះ​ដែល​បាន​ដឹក​តាម​ផ្លូវ​ឆ្លង​កាត់​រាជធានី​ភ្នំពេញ​នា​ប៉ុន្មាន​ថ្ងៃ​ជាប់​គ្នា​មក​នេះ​ បាន​ធ្វើ​ឲ្យ​អ្នក​ឃើញ​ហេតុការណ៍​ និង​អ្នក​វិភាគ​ខ្លះ​បាន​យល់​ឃើញ​ខុសៗ​គ្នា​ ខណៈ​ដែល​សកម្មភាព​ដ៏កម្រ​នេះ​បាន​កើត​មាន​ឡើង ​ក្នុង​ពេល​ដែល​ស្ថានភាព​​នយោបាយ​នៅ​ប្រទេស​កម្ពុជា ​ត្រូវ​បាន​គេ​មើល​ឃើញ​ថា​នៅ​មាន​ភាព​តានតឹង​ពិសេស​ ក្រោយ​ពេល​មាន​ឃាតកម្ម​លើ​អ្នក​វិភាគ​​ និង​ជា​អ្នក​ស្រាវជ្រាវ​បញ្ហា​សង្គម​លោក​បណ្ឌិត​ កែម ឡី ថ្វីបើ​មន្ត្រី​ក្រសួង​ការពារ​ជាតិ​ថា​ជា​ការ​យក​ទៅ​ជួសជុល​ និង​ការ​ថមថយ​ជម្លោះ​តាម​ព្រំដែន​ក៏ដោយ​។