ភ្នំពេញៈ ពិធី​បុណ្យ​រំលាយ​ព្រះកាយ​សព​សកម្មជន​ព្រះសង្ឃ​ល្បី​ឈ្មោះ​ដែល​ហ៊ាន​មាន​សង្ឃដីកា​រិះគន់​​ឥត​សំចៃ​មក​លើ​រដ្ឋាភិបាល ព្រះធម្ម​វិបស្សនា សំ ប៊ុនធឿន ដែល​ត្រូវ​ខ្មាន់​កាំភ្លើង​បាញ់​សម្លាប់​​នៅ​កណ្តាល​​ទីក្រុង​ភ្នំពេញ​កាលពី​ ១៣ ​ឆ្នាំ​មុន​បាន​ចាប់ផ្ដើម​ប្រារព្ធ​​ធ្វើ​ឡើង​កាលពី​ម្សិលមិញ​ដោយ​មាន​ការ​ចូលរួម​ពី​ព្រះសង្ឃ និង​ពុទ្ធបរិស័ទ​ប្រមាណ​ជាង​មួយ​ម៉ឺន​អង្គ​នាក់​ខណៈ​ដែល​សមត្ថកិច្ច​នៅ​មិន​ទាន់​ចាប់​ខ្លួន​ជន​សង្ស័យ​ណា​ម្នាក់​យក​មក​ផ្តន្ទាទោស​នៅ​ក្នុង​អំពើ​ឃាតកម្ម​ដ៏ព្រៃផ្សៃ​នេះ​ដើម្បី​ផ្តល់​​យុត្តិធម៌​ដល់​ព្រះអង្គ​នៅ​ឡើយ​។