ភ្នំពេញៈ សព​របស់​អតីត​នាយក​រដ្ឋ​មន្ត្រី​លោក​ប៉ែន​ សុវណ្ណ​ត្រូវ​បាន​បូជា​នៅ​វត្ត​ឫស្សី​សាញ់​ នៅ​ភាគ​និរតី ជាយ​រាជ​ធានី​ក្រោម​ភ្លៀង​រលឹម​កាលពី​ម្សិលមិញ ​ដោយ​មាន​ការ​ចូលរួម​ពី​ក្រុម​គ្រួសារ មិត្តភក្តិ​ និង​ក្រុមមន្ត្រី​គណបក្ស​ប្រឆាំង​ដែល​ស្ថិត​នៅ​ក្នុង​សម្លៀក​បំពាក់​ពណ៌​ស​ខ្មៅ ដើម្បី​បង្ហាញ​ពី​ការ​គោរព​ជា​ចុង​ក្រោយ ​ដល់​សព​អតីត​មេ​ដឹក​នាំ ដែល​ហ៊ាន​ចេញ​មុខ​ប្រឆាំង​នឹង​ផែន​ការ​ដាក់​អាណា​និគម​ ពី​សំណាក់​វៀតណាម។