ភ្នំពេញៈ នគរបាល​បាន​ចុះ​ទៅ​ឆែកឆេរ​ទីស្នាក់ការ​គណបក្ស​អំណាច​ខ្មែរ​ក្នុង​ខណ្ឌ​ទួលគោក​កាលពី​ម្សិលមិញ​ដោយ​រឹបអូស​នូវ​សម្ភារ និង​ឯកសារ​មួយ​ចំនួន និង​បាន​បណ្តេញ​ប្រធាន​ស្តីទី​របស់​គណបក្ស​នេះ​មិន​ឲ្យ​ធ្វើ​សន្និសីទ​កាសែត​នៅ​មុខ​ទីស្នាក់ការ​បក្ស​ឡើយ បន្ទាប់ពី​មាន​ការ​សង្ស័យ​ថា​លោក​ សួន សេរីរដ្ឋា ប្រធាន​គណបក្ស​អំណាច​ខ្មែរ​ដែល​ត្រូវ​បាន​ចាប់​ឃុំ​ខ្លួន​មាន​ជាប់​ពាក់ព័ន្ធ​នឹង​រណសិរ្ស​រំដោះ​ជាតិ​ខ្មែរ ដែល​ប្រឆាំង​នឹង​រដ្ឋាភិបាល​របស់​លោក​នាយករដ្ឋមន្ត្រី ហ៊ុន សែន​។