ភ្នំពេញៈ សាលា​រាជធានី​កំពុង​សិក្សា ហើយ​នឹង​ធ្វើ​សំណើ​ទៅ​រដ្ឋាភិបាល ឲ្យ​ពិចារណា ធ្វើ​ការ​ផ្លាស់​ប្តូរ វេន​ម៉ោង​ធ្វើ​ការ​របស់​មន្ត្រី​រាជការ ការ​រៀបចំ​ដាក់​ផ្លូវ​ជា​ផ្លូវ​ឯក​ទិស និង​ត្រូវ​កំណត់​ចំនួន​នាំ​ចូល​រថយន្ត​និង​ម៉ូតូ ដែល​ជា​ផ្នែក​មួយ​ដើម្បី​កាត់​បន្ថយ​ការ​កក​ស្ទះ​ចរាចរណ៍ ដែល​កំពុង​ក្លាយ​ជា​កង្វល់​ដ៏​ធំ​មួយ​ក្នុង​រាជធានី​នា​ពេល​បច្ចុប្បន្ន។ នេះ​បើ​តាម​លោក ឡុង ឌីម៉ង់ អ្នក​នាំ​ពាក្យ​សាលា​រាជធានី ដែល​បាន​ថ្លែង​កាល​ពី​ម្សិល​មិញ។