ភ្នំពេញៈ ​ក្រុមហ៊ុន​ស៊ិនទ្រី​កាលពី​ម្សិលមិញ​បាន​អំពាវនាវ​ដល់​ប្រជាពលរដ្ឋ និង​ម្ចាស់​ទីតាំង​អាជីវកម្ម​ទាំងអស់​ក្នុង​រាជធានី​ភ្នំពេញ​មេត្តា​យោគយល់ និង​អធ្យាស្រ័យ កុំ​ចោល​សំរាម​តាម​ទីសាធារណៈ ឬ​នៅ​តាម​ដង​ផ្លូវ​ក្នុង​ទីប្រជុំជន​នានា​ដែល​នាំ​ឲ្យ​មាន​ផលប៉ះពាល់​ដល់​សោភណភាព​អនាម័យ​បរិស្ថាន​ក្នុង​រាជធានី​ភ្នំពេញ ខណៈ​ ២ ​ភាគ​ ៣​ ​នៃ​ភ្នាក់ងារ​ប្រមូល​សំរាម​ទាំងអស់​ត្រូវ​បាន​ឈប់​សម្រាក​នៅ​ក្នុង​ពិធីបុណ្យ​ភ្ជុំបិណ្ឌ​ដែល​នឹង​ប្រារព្ធ​ឡើង​ពី​ថ្ងៃ​ទី​ ១៩ ​ដល់​ថ្ងៃ​ទី​ ២១ ខែ​កញ្ញា​ឆ្នាំ​ ២០១៧​។