Search form

Login - Register | FOLLOW US ON

Logo of Phnom Penh Post newspaper Phnom Penh Post - ស្ត្រី​រក​ស៊ីផ្លូវ​ភេទ​ស្ទាក់​ស្ទើរ​ប្រើ​ស្រោម​ជាមួយ​ដៃ​គូ​ស្និទ្ធ

ស្ត្រី​រក​ស៊ីផ្លូវ​ភេទ​ស្ទាក់​ស្ទើរ​ប្រើ​ស្រោម​ជាមួយ​ដៃ​គូ​ស្និទ្ធ

130412_09
ទោះមិនមានភាពស្របច្បាប់ បញ្ហាជីវភាពបានបង្ខំស្ត្រីមួយចំនួនឲ្យប្រកបរបររកស៊ីផ្លូវភេទ ភ្នំពេញ ប៉ុស្តិ៍

ភ្នំពេញៈ ការ​សិក្សា​ថ្មី​មួយ​រក​ឃើញ​ថា ទំនាក់​ទំនង​រវាង​អ្នក​រក​ស៊ី​ផ្លូវ​ភេទ រវាង​ស្នេហា​មិន​ច្បាស់​លាស់ និង​ស្រ្តី​រក​ស៊ី​ផ្លូវ​ភេទ​នៅ​ភ្នំពេញ មាន​ភាព​ស្ទាក់​ស្ទើរ​ក្នុង​ការ​ប្រើ​ស្រោម​អនាម័យ​រួម​ភេទ​ជាមួយ​គូ ជា​សង្សារ​ឬ​គូ​កំណាន់។

អ្នកនិពន្ធសៀវភៅ Global Public Health អះអាង​ថា ភាព​ស្ទាក់​ស្ទើរ​នេះ​មក​ពី​ការ​យល់​ថា ការ​រួមភេទ​ជាមួយ​នឹង​ដៃគូ​ជិត​ស្និទ្ធ​មាន​ហានិភ័យ​ទាប ហើយ​ក៏​កើត​ចេញ​ពី​ឥរិយាបថ ដែល​ការ​ប្រើ​ប្រាស់​ស្រោម​អនាម័យ​នោះ នឹង​ប៉ះពាល់​ភាព​ជិត​ស្និទ្ធ ការ​ជឿ​ទុក​ចិត្ត​ឬ​មនោសញ្ចេត​នា។

កញ្ញាកន្និដ្ឋា អាយុ​២០​ឆ្នាំ អ្នក​សម្ភាសន៍​ម្នាក់ ក្នុង​ចំនួន​ស្រ្តី​រក​ស៊ី​ផ្លូវភេទ​ ៣៣​នាក់ ក្នុង​ឆ្នាំ ២០០៩​ថា៖«ខ្ញុំ​មិន​ប្រើ​ស្រោម​រួម​ភេទ​ជាមួយ​សង្សារ​ទេ...ព្រោះ​ខ្ញុំ ស្រឡាញ់​គាត់​ស្មោះ ហើយ​ខ្ញុំ​គិត​ថា​គាត់​ក៏​ស្រឡាញ់​ខ្ញុំ​ដែរ តែ​ស្មោះ​ឬ​មិន​ស្មោះ​នោះ ខ្ញុំ​មិន​ដឹង​ទេ»។

តាមបទសម្ភាស​នេះ​អ្នក​ស្រាវជ្រាវ​ពន្យល់​ថា ខណៈ​ការ​ប្រើ​ស្រោម​អនាម័យ​របស់​ស្រ្តី​រក​ស៊ី​ផ្លូវ​ភេទ​កើន​ឡើង​ជាង​៨០​ភាគរយ ដោយសារ​យុទ្ធនាការ​ផ្សព្វ​ផ្សាយ​អំពី​ការ​ប្រើ​ស្រោម​អនាម័យ​តែ​ការ​ប្រើ ស្រោម​ជាមួយ​ដៃគូ​ផ្សេង​អាច​តិច​ជាង ៥០​ភាគរយ​ឬ​អាច​តិច​ជាង​នេះ។

អ្នកស្រាវជ្រាវ​កត់​សម្គាល់​ថា៖ «​ចំពោះ​កញ្ញា កន្និដ្ឋា អវត្ត​មាន​នៃ​ស្រោម​អនាម័យ​គឺជា​សញ្ញា​នៃ​ស្នេហា។ បើ​ទោះ​ទំនាក់​ទំនង​ស្ថិត​ក្នុង​ហានិភ័យ និង​ប្រាកដ​លើ​ភាព​ស្មោះ​ស្ម័គ្រ​របស់​ដៃ​គូ​នាង​ក៏​ដោយ ក៏​ប៉ុន្តែ​នាង​ជឿ​លើ​ភាព​ជិត​ស្និទ្ធ​និង​ក្តី​ស្នេហា»។

តាមអត្ថបទ​ដដែល​នេះ ឥរិយាបថ​បែប​នេះ​កើត​មាន​ជា​ទូទៅ រួម​ទាំង​ដៃ​គូ​មិន​ប្តេជ្ញា​ស្មោះ​ស្ម័គ្រ​ក៏​ដោយ បើ​ទោះ​មាន​ការ​ប្រមាណ​ថា ស្រ្តី​រក​ស៊ីផ្លូវ​ភេទ​១០​ភាគរយ​ឆ្លង​មេរោគ​អេដស៍​ក្នុង​ឆ្នាំ​២០០៦ ក៏​អត្រា​ឆ្លង​ឆ្នាំ​នោះ​ក្នុង​ប្រជាជន​ទូទៅ​ធ្លាក់​ចុះ​ក្រោម​១​ភាគរយ។

ការសិក្សាក៏​រក​ឃើញ​ដែរ​ថា ស្រ្តី​ខ្លះ​ចង់​ប្រើ​ស្រោម​អនាម័យ​ជាមួយ​ប្តី តែ​មិន​មែន​ជាមួយ​នឹង​ដៃគូ​ខោង​ក្រៅ​ទេ» ដោយ​ពន្យល់​ថា​ស្រ្តី​និង​ដៃ​គូ​«លះបង់​ការ​ប្រើ​ស្រោម​អនាម័យ​ដើម្បី ប្តូរ​ទំនុក​ចិត្ត​លើ​ទំនាក់​ទំនង​មិន​ច្បាស់​លាស់ ទៅ​ជា​ភាព​ជិត​ស្និទ្ធ​គួរ​ទុក​ចិត្ត»។

តាមពិតទំនាក់​ទំនង​របស់​ស្រ្តី​រក​ស៊ីផ្លូវ​ភេទ​ជាមួយ​នឹង​មិត្ត​ប្រុស​ឬ សង្សារ ចាប់​ផ្តើម​ពី​ទំនាក់​ទំនង​រក​ស៊ី​ផ្លូវ​ភេទ មិន​ច្បាស់​លាស់​...​វា​មាន​ស្ទើរតែ​គ្រប់​រូបភាព ជា​ការ​បង់​ប្រាក់​ផ្ទាល់ ឬ​ការ​ឧបត្ថម្ភ​លើ​ចំណាយ​រស់​នៅ ឬ​ជា​អំណោយ​... ​»។ ប៉ុន្តែ ​ផ្ទុយ​ទៅ​វិញ​បើ​ជាមួយ​ប្តី​សម្រាប់​ពួកគេ​មិន​ជា​បញ្ហា​ទេ ព្រោះ​ទំនុក​ចិត្ត​គ្នា​បាន​ចង​ភ្ជាប់​រួច​ហើយ តែ​យ៉ាង​ណា​អ្នក​រក​ស៊ី​ផ្លូវភេទ​ខ្លះ ​ក៏​ជួប​បរាជ័យ​ក្នុង​រឿង​នេះ​ដែរ។

ស្រី ស ស្រ្តី​រកស៊ី​ផ្លូវ​ភេទវ័យ​២៥​ឆ្នាំផ្តល់​សម្ភាសន៍​ថា ៖ «ប្តី​ខ្ញុំ​ពេល​ខ្លះ​ប្រើ​ស្រោម​អនាម័យ ពេល​ខ្លះ​អត់​ប្រើ​ទេ...ខ្ញុំ​ពន្យល់​គាត់​ តែ​គាត់​ថាបើ​ខ្ញុំ​កើត​អេដស៍​យើង​ស្លាប់​ទាំង​អស់​គ្នា»។​ ប៉ុន្តែ​បើ​ជាមួយ​ភ្ញៀវ នាង​ប្រើ​ស្រោម​អនាម័យ​មិន​ខក​ខាន​ឡើយ។

របាយការណ៍នោះ​ថាមាន​ស្រ្តី​ជា​ច្រើន​ថា ពួកគេ​អាច​ល្បួង​ឲ្យ​ភ្ញៀវ​នាង ប្រើ​ស្រោម​ក្នុង​ការ​រួម​ភេទ តាម​ការ​បង្ហាញ​ពី​ហានិភ័យ ឬ​បដិសេធ​មិន​រួម​ភេទ​បើ​មិន​ប្រើ​ឬ​គ្មាន​ស្រោម តែថា ពេល​ខ្លះ​ការ​ផ្តល់​ប្រាក់​ថែម​ច្រើន​ជា​ថ្នូរ ការ​រួម​ភេទ​អត់​ស្រោម ភ្ញៀវ​ស្រវឹង​ឬ​ការ​គំរាម​ប្រើ​អំពើ​ហិង្សា​ក៏​មាន​ដែរ»។

ការសិក្សាថ្មីៗ​នេះ​ស្តីពី​ស្រ្តី​រក​ស៊ី​ផ្លូវ​ភេទ​នៅ​ភ្នំពេញ ចុះ​ក្នុង​សៀវភៅ AIDS and Behaviour រក​ឃើញ​ថា ស្រ្តី​រក​ស៊ី​ផ្លូវ​ភេទ​ជា​ញឹក​ញាប់​បរាជ័យ​ក្នុង​ការ​បញ្ចុះ​បញ្ចូល ភ្ញៀវ​បរទេស​ឲ្យ​ប្រើ​ស្រោម​អនាម័យ​រួម​ភេទ ដោយ​សារ​តែ​របាំង​ភាសា។ សរុប​មក​ការសិក្សា​របស់ Global Public Health អង្កេត​ឃើញ​ថា កម្មវិធី​ប្រើ​ស្រោម​អនាម័យ ១០០​ភាគរយ ដែល​រដ្ឋាភិបាល​ជំរុញ​ឲ្យ​អនុវត្ត​ពី​ឆ្នាំ​២០០១ បាន​បង្កើន​ចំនួន​ប្រើ​ស្រោម​អនាម័យ​យ៉ាង​ខ្លាំង​សម្រាប់​អ្នក​រកស៊ី ផ្លូវភេទ ប៉ុន្តែ ក៏​បាន​ផ្សារ​ភ្ជាប់​ទៅ​នឹង​ស្ថាន​ការណ៍​ប្រថុយ​ប្រថាន​ដើម្បី​ធ្វើ​បែប​នេះដែរ។

អ្នកស្រីMarie Odile Emond អ្នក​សម្រប​សម្រួល​ប្រចាំ​ប្រទេស​នៃ​កម្មវិធី​អង្គការ​សហ​ប្រជាជាតិ រួម​ស្តីពី​មេ​រោគ/ជំងឺ​អេដស៍ នៅ​កម្ពុជា បាន​យល់​ស្រប​តាម​ការ​លើក​ឡើង​នេះ ហើយ​ថា ការ​ចម្លង​មេរោគ​អេដស៍​និង​ជំងឺ​ផ្លូវ​ភេទ​ដទៃ​ទៀត​នៅ​តែ​កើត​មាន ជាប់​ថេរ ជា​ពិសេស ព្រោះ​អ្នក​រក​ស៊ី​ផ្លូវ​ភេទ​និង​ដៃគូ​រួម​ភេទ​ច្រើន។

អ្នករកស៊ីផ្លូវភេទនិង​ដៃគូចាំ​បាច់​ត្រូវ​យល់​ថា ការ​ប្រើ​ស្រោម​អនាម័យ​«ជា​ការ​រស់​នៅ​ប្រកប​ដោយ​សុខភាព​ល្អ មិន​មែន​ជា​ការ​កំណត់​ទុក​តែ​សម្រាប់​ការ​រួមភេទ​ដែល​មាន​ហានិភ័យ ទេ។

លោក មាន ឈីវុន នាយក​នៃ​មជ្ឈមណ្ឌល​ជាតិ​ប្រឆាំង​មេរោគ/ជំងឺ​អេដស៍ ហង់ស៊ិន និង​កាមរោគ​ថ្លែង​ថា មជ្ឈមណ្ឌល​កំពុង​ធ្វើ​ការ​ជាមួយ​អង្គការ​ក្រៅ​រដ្ឋាភិបាល​ជា​ច្រើន ដើម្បី​លើក​កម្ពស់​ការ​ប្រើប្រាស់​ស្រោម​អនាម័យ​ក្នុង​ក្រុម​អ្នក រកស៊ីផ្លូវ​ភេទ​និង​សេវា​កម្សាន្ត ដោយ​ពិភាក្សា​អំពី​ការ​រក​ឃើញ​ជាមួយ​ដៃគូ ក្នុង​ការ​រៀប​ចំ​គោល​នយោបាយ​ផ្សព្វ​ផ្សាយ។

លោក Marc Derveeuw តំណាង​អង្គការ​មូល​និធិ​ប្រជាជន​អង្គការ​សហប្រជាជាតិ បាន​ថ្លែង​ថា មិន​បាន​អាន​របាយ​ការណ៍​ទេ តែ​តាម​ការលើក​ឡើង​ក្នុង​សំណួរ​លោក​គិត​ថា វា​អាច​គ្រាន់​តែ​ជា​ការ​គិតពី​ហានិភ័យ​ទាប​ប៉ុណ្ណោះ​វា​មិន​ជា​ការ ស្ទាក់​ស្ទើរ​ក្នុង​ការ​ប្រើ​ស្រោម​អនាម័យ​ទេ៕TK

0

Comments

Please, login or register to post a comment