ភ្នំពេញៈ ស្ត្រី​សកម្មដីធ្លី​ម្នាក់​ដែល​មាន​ផ្ទៃ​ពោះ ៥ ខែ និង​សកម្មជន ៣នាក់​ផ្សេង​ទៀង រង​បួស​នៅពេល​មាន​ការ​ប៉ះទង្គិច​គ្នា​មួយ​ប្រាវ នៅ​ព្រឹក​នេះ ស្រប​ពេល​ដែល​សាលា​ដំបូង​រាជធានី​ភ្នំពេញ បាន​សម្រេច​ផ្តន្ទាទោស សកម្មជន​ដីធ្លី​តំបន់​បឹងកក់​អ្នកស្រី ទេព វន្នី ដាក់​ពន្ធនាគារ ២ ឆ្នាំ​កន្លះ តាម​បណ្តឹង​របស់​សន្តិសុខ​ខណ្ឌ​ដូន​ពេញ​ពាក់ព័ន្ធ​នឹង​ហិង្សា​ក្បែរ​ផ្ទះ​លោក​នាយក​រដ្ឋមន្ត្រី​ហ៊ុន សែន កាល​ពី​ឆ្នាំ ២០១៣។