Search form

Login - Register | FOLLOW US ON

Logo of Phnom Penh Post newspaper Phnom Penh Post - អង្គការ​ចំនួន ​២២ សុំុ​ឲ្យ​ដោះលែង​សកម្មជន​បរិស្ថាន​២រូប

Content image - Phnom Penh Post
សកម្មជន​បរិស្ថានទាំង​ពីររូប នៅពេលបញ្ជូន​​ទៅ​តុលាការ​ នៅ​ពេល​ចាប់ខ្លួន​នា​ខែ​កញ្ញា។ រូបថត សហការី​

អង្គការ​ចំនួន ​២២ សុំុ​ឲ្យ​ដោះលែង​សកម្មជន​បរិស្ថាន​២រូប

ភ្នំពេញៈ អង្គការ​សង្គមស៊ីវិល បាន​ធ្វើ​ការ​ទាម​ទារ​ជា​ចំហរ​ឲ្យ​មានការ​ដោះលែង​សកម្ម​ជន​ពីររូប​នៃ​អង្គការ​មាតា​ធម្មជាតិ​នៅកម្ពុជា ដោយសារ​ការ​ឃុំ​ខ្លួន​មិន​មាន​ហេតុផល​ច្បាស់លាស់​។

ក្នុង​សេចក្តីថ្លែង​ការណ៍​រួមមួយ​​ចុះ​ថ្ងៃ​ទី​១៤ ខែ​វិច្ឆិកានេះ អង្គការ​សង្គម​ស៊ិវិល​ចំនួន​២២​ បាន​ស្នើ​ឲ្យ​អាជ្ញាធរ​ធ្វើ​ការ​ដោះ​លែងយុវជន​ឈ្មោះ ហ៊ុន ​វណ្ណៈ និង​ ឌឹម គុនឌី​ ដែល​ជា​សកម្ម​ជន​របស់​អង្គការ​មាតាធម្មជាតិ ដែល​ទើ​ប​ត្រូ​វបាន​លុប​ឈ្មោះ​ចេញ​ពី​បញ្ជី​ឈ្មោះ​ នាពេល​ថ្មីៗ​នេះ​។

វណ្ណៈ និង​ គុនឌី ត្រូ​វ​បាន​ចាប់​ខ្លួន​កាលពីថ្ងៃ​ទី​១១ ខែ​កញ្ញា ឆ្នាំ​២០១៧ ខណៈពេល​ដែល​ពួកគេ​បាន​ថត​កប៉ាល់​ធំៗ​ពីរ​គ្រឿង​ បោះ​យុថ្កា​នៅ​ឆ្នេរ​សមុទ្រ​នៅ​ស្រុក​ព្រែក​ខ្សាច់​ ខេត្ត​កោះ​កុង​។ ពួកគាត់​សង្ស័យ​ថា​ កប៉ាល់​នោះ​កំពុង​ដឹក​ខ្សាច់​ចេញ​ខុស​ច្បាប់​។

សេចក្តី​ថ្លែងការណ៍​របស់​អង្គការ​ទាំងនេះ បាន​ឲ្យ​ដឹង​ថា ការ​ចាប់​ខ្លួន​នេះ អាច​មាន​ពាក់ព័ន្ធ​នឹង​បណ្តឹង​ចោទ​ថា​បាន​រំលោភ​លើ​សិទ្ធិ​ខាង​រូប​ភាព​បុគ្គល​ និង​ញុះ​ញង់​របស់​លោក​ឧកញ៉ា​ លី យ៉ុង​ផាត់​ ម្ចាស់ក្រុមហ៊ុន LYP និង​​ជា​អ្នក​ជំនួញ​ដ៏​មាន​ឥទ្ធិពល​នៅ​ខេត្ត​ជាប់មាត់​សមុទ្រ​មួយ​នេះ​។

​ក្រុម​អង្គការ​យល់​ថា ការ​ដាក់​ពួកគេ​ឲ្យ​នៅ​ក្នុង​ការ​ឃុំ​ខ្លួន​បណ្តោះ​អាសន្ន​ក្នុង​ពន្ធនាគារ​ គឺ​ធ្វើ​ឡើង​ដោយ​ពុំ​មាន«ការ​ពិចារណា​ ឲ្យ​បាន​ដិត​ដល់​ ហើយ​អាច​ជា​ការ​រំលោភ​បំពាន​ច្បាប់​ជាតិ​និង​អន្តរជាតិ​»។​

ពួកគេ​ ក៏​ត្រូវ​បាន​គេ​រាយការណ៍​មក​ថា ត្រូវ​បាន​ឃុំ​ខ្លួន​នៅ​ក្នុង​ពន្ធនាគារ​ខេត្ត​កោះ​កុង ក្នុង​បន្ទប់​ ៤​ ម៉ែត្រ​ក្រឡា ជុំ​គ្នា​ជាមួយ​អ្នក​ទោសប្រមាណ ២០ ​នាក់​ មាន​អនាម័យ​មិន​ល្អ និង​ខ្វះ​សេវា​មូលដ្ឋាន​ ដូច​ជា​ទឹក អាហារ​​និង​ការ​ថែ​ទាំសុខ​ភាព​។

ការ​ឃុំ​ខ្លួន​ពួកគេ​ កើត​មាន​ក្រោយ​មាន​ការ​បង្ហាញ​វីដេអូ​មួយ​ពី​តួលេខ​ខុស​គ្នា​ក្នុង​ទឹក​ប្រាក់​ចំនួន​ ៣០ លាន​ដុល្លារ​អាមេរិក​ រវាង​កំណត់​ត្រា​ពាណិជ្ជ​កម្ម​ប្រទេស​កម្ពុជា​ និង​តៃ​វ៉ាន់​ ទាក់​ទិន​នឹង​បរិមាណ​ខ្សាច់​ប្រភេទ​ស៊ីលី​កា និង​ថ្មខៀវ​ដែល​នាំ​ចូល​ពី​ប្រទេស​កម្ពុជា។

លោក អ៊ុន សុវណ្ណធានី អ្នកនាំពាក្យ​សាលាដំបូង​ខេត្ត​កោះ​កុង មិន​អាច​ទាក់ទងបានទេ​នៅ​ពេលនេះ៕

សូម​អាន​ព័ត៌មានពិស្តារ​លើ​ទំព័រ​កាសែតភ្នំពេញ ប៉ុស្តិ៍​នាថ្ងៃ​ស្អែកនេះ

0

Comments

Please, login or register to post a comment

ព័ត៌មានពាក់ព័ន្ធ